Eskertkish: Apta aıshyqtary

Buqar jyraý, Abaı, Sáken Seıfýllın, Ǵabıden Mustafın, Qasym Amanjolovtyń mármár tas tuǵyrdaǵy músinderi qataryna Qaz daýysty Qazybek bı qosyldy. Belgili qaıratker, áıgili sheshenniń bıiktigi 8 metr eskertkishi oblystyq ákimdik pen Qaraǵandy memlekettik tehnıkalyq ýnıversıteti aldyndaǵy kóshe qıylysyndaǵy alańda boı kóterdi. Taıaý arada akademıkter Qanysh Sátbaev pen Ábilqas Saǵynov beıneleri de asqaq kóringeli tur.

Aıqyn NESIPBAI, Qaraǵandy.

О́ner sapary táýelsizdikke arnaldy

О́tken aptada oblys ortalyǵynda Bıken Rımova atyndaǵy Almaty oblystyq qazaq drama teatrynyń gastroldik sapary aıaqtaldy.Ońtústik óńirden soltústikke qaraı jol tartqan ártister bul saparlaryn el Táýelsizdiginiń 20 jyldyǵyna oraılastyrdy. Teatrdyń kórkemdik jetekshisi Serik Nurhalyqtyń aıtýynsha, repertýarlarynda 30-dan asa qoıylymdar bar. Kórermender B.Rımovanyń «Qos muńlyq», S.Balǵabaevtyń «Ǵa­­­shyq­­­syz ǵasyr», T.Álipbaıdyń «Tomırıs» dramalary men Gogoldiń «Úı­le­ný» komedııasyn, balalarǵa arnalǵan «Tapqyr Qojanasyr» qoıy­ly­myn kórdi. Bıken apanyń jolyn qýǵan ártister kerekýlik kórermen­der­ge sahnada mazmundy, mándi shyǵarmalar kórsetip jaqsy áser qaldyrdy. О́ner ujymy Taldyqorǵanda 11 qarashada teatrdyń kezekti maýsym shymyldyǵyn ashpaqshy.

Farıda BYQAI, Pavlodar.

Búgingi kún taqyrybyn qozǵady

Egemen el atanyp, burynǵy partııalyq buǵaýdan basymyz azat bol­ǵanmen, qandas qalamgerlerimizdiń kóbi búgingi kún taqyrybyna boılap bara almaı júrgeni ótirik emes. Sol olqylyqtyń ornyn toltyrý maqsatymen semeılik qalamger Medeý Sárseke «Tenderge túsken áıel» degen atpen dra­­malyq shyǵarma jazǵan eken. Bir otbasynyń qıly taǵdyry arqyly qoǵamda ornyǵa bastaǵan kesapat qylyqtardy nanymdy sýrettegen sol týyndy jýyrda osyndaǵy Abaı atyndaǵy sazdy-drama teatrynda qoıyldy. Q.Rahmetov sahnalaǵan jańa spektakldi jurtshylyq jyly qabyldady. Buǵan deıin Almatydaǵy M.Áýezov atyndaǵy akademııalyq teatrda qoı­­­ylǵan dramany endi elimizdiń tórt-bes teatry daıyndap jat­­­qan kórinedi. Osynyń ózi kórermender zaman tynysyn ashyp kórsetetin shyǵarmalarǵa sýsap otyr­ǵa­nyn kórsete me deımiz.

Dáýlet SEISENULY, Semeı.

“Bala bı” balabaqshasy – balalarǵa

Tóle bı aýdanyndaǵy 8 naýryz aýylynda balabaqsha ashyldy. Bul aýyl balabaqshasyz emes edi. Biraq, eski balalar mekemesi qulaýǵa shaq turǵannan keıin ishindegi múlki ustaǵannyń qolynda, tistegenniń aýzynda ketken. Aýdan ákimi Áýelhan Turǵymbekov eski balabaqshany zaman tala­byna saı qaıta jaraqtaý, kúrdeli jóndeý úshin aýdandyq bıýdjetten 39 mln. teńge bólgizgen. “Bala bı” dep atalatyn balabaqshanyń ashylý sal­tanatynda aýyl aqsaqaldary bata berdi.

Baqtııar TAIJAN, Ońtústik Qazaqstan oblysy.

Kórmedegi kóne jádigerler

Oblystyq tarıhı-ólketaný murajaıynda «Áziret Sultan» memlekettik tarıhı-mádenı qoryq-murajaıynyń uıymdastyrýymen «Táýelsizdik jáne Túrkistan taǵylymy» atty kórme ashylyp, jumys isteýde. Kórmege Ámir Temir zamanynan saqtalǵan tarıhı jádigerler — Laýha, Taıqazan kóshirmeleri; Túrkistan qalasynyń ótken ǵasyrlardaǵy kórinisteri — A. Kýnnyń albomynan alynǵan «Bıler soty» (1872-1876 jyldar shamasy), t.b. fotosýretter, búgingi kúni tek orny ǵana saqtalǵan Esim han kesenesiniń HVII ǵasyrdaǵy kórinisi; arheologııalyq qazbalar kezinde tabylǵan jádigerler — 1987 jyly Kúltóbeden tabylǵan qumyra (HIV-HV ǵasyrlar), 2000 jyly eski Túrkistannan qazyp alynǵan tostaǵan (HVI-HVII ǵasyrlar) syndy kóne dúnıeler, HVIII-HIH ǵasyrlardan qalǵan áshekeı buıymdar, qarý-jaraqtar, nýmızmatıkalyq materıaldar, Qazanda, Ystambulda basylyp shyqqan arab, túrki tilderindegi kóne kitaptar, t.b. jádigerler qoıylǵan.

Satybaldy SÁÝIRBAI, Aqtóbe.

Akademııada «Aqqý» kúıi oınaıdy

Atyraýda Nurǵısa Tilendıev atyndaǵy kishi óner akademııasy bar. Oqýshylarǵa orta bilimmen qatar, ónerdiń ár túrinen dáris beredi. Akademııada endi qońyraýdyń ornyna qazaqtyń dúldúl kompozıtory Nurǵısanyń «Aqqý» kúıi oınaıtyn boldy. Bul úshin arnaıy kompıýterlik baǵdarlama jasaqtalǵan. «Aqqý» kúıin qońyraýdyń ornyna paıdalaný maqsatynda lısenzııa da alynǵan. Muny akademııaǵa kásipker Erjan Serikbaev usynǵan eken. Osy ká­sip­ker kúıdi kompıýterlik baǵdarlamany engizýge demeýshilik te tany­typ­ty. Aıtqandaı, qysqy ýaqytqa kóshýge baılanysty akademııa­daǵy ár sabaq 35 mınótten ótetin boldy.

Joldasbek ShО́PEǴUL, Atyraý.

Qurylysshylar forýmy bolyp ótti

Qyzylorda qalasyndaǵy Á.Tájibaev kitaphanasynda respýblı­ka­lyq «Qala qurylysy forýmy – 2011» jıyny ótti. Forým jumysyna Qurylys jáne turǵyn úı-kommýnaldyq sharýashylyǵy isteri agenttiginiń ókilderi, oblystardyń sáýlet jáne qala qurylysy basqarmalarynyń basshylary, qalalardyń bas sáýletshileri, jobalaýshy kásiporyndar men sheteldik qonaqtar qatysty. Forýmǵa qatysýshylar oblystardy damytýdyń tujyrymdamasyn tal­qylady. Osy oraıda forýmǵa qatysýshylar bas josparlardy ázirleý men ony júzege asyrý, áleýmettik-ekonomıkalyq máselelerdi sheshý, qorshaǵan ortany qorǵaý, ınfraqurylymdy damytý, taǵy da basqa máseleler tóńi­regindegi oılarymen bólisti. Ásirese, qalalardy josparlaýda bas sáýletshi men jer ınspeksııasynyń arasyndaǵy kóptegen túıindi máseleler bar ekeni aıtyldy. Turǵyndarǵa jer ýchaskesin berýdegi keleńsiz­dikter jaıy da sóz boldy.

Erjan BAITILES, Qyzylorda.