Fransııada 2012 jyly ótetin prezıdent saılaýyndaǵy Nıkolıa Sarkozıdiń qarsylasy anyqtaldy.
Ol – sosıalıst Fransýa Olland. Aldyn-ala ótkizilgen saılaýdyń ekinshi týrynda Fransýa Olland óziniń partııalas áriptesi, Lıllııa qalasynyń meri Martın Obrıden basym tústi. Meni aýyr jumystar kútip tur. Men Nıkolıa Sarkozıdiń saıasatynan ábden yǵyr bolǵan fransýzdardyń úmitin aqtaýǵa tıispin. Sońǵy aılary men otandastarymnyń qandaı qıyndyqtarǵa dýshar bolǵanyn óte jıi kórdim. Olardyń ashý-yzalaryn estidim. Olardy jumyssyzdyq, eldegi turaqsyzdyq pen qymbatshylyq qatty alańdatýda, dep atap kórsetken Fransýa Olland.
Narazylyq aýqymy arta túsýde
«Ýoll-strıtti basyp al» dep atalatyn qozǵalys Nıý-Iorkten ǵana emes, AQSh sheńberinen de shyǵyp ketip otyr.
Endi «qarjylyq terrorızmge» qarsylar «Birge basyp alamyz» degen jańa uranmen boı kórsetýde. О́tken demalys kúnderi álemniń 82 eli jańa qozǵalystyń kúshin sezinýge májbúr boldy. Osylaısha, demalys kúnderi bıliktiń ekonomıkalyq saıasatyna qarsy uıymdastyrylǵan aksııaǵa álemniń 82 eliniń 950 qalasynyń turǵyndary qatysqan. Sonymen birge bul bolyp ótken aksııalar osy jyldyń 3-4 qarashasynda ótýi tıis «anarhııa saltanatynyń» aldyndaǵy keń aýqymdy daıyndyq qana bolýy múmkin, dep jazady «Rossııskaıa gazeta» basylymy.
Tártipsizdikterge ulasqan sherý
Rımde «narazylar» aksııasyn belgisiz ekstremıster qalalyq partızan soǵysyna aınaldyryp jibergen kórinedi.
Naǵyz «qalalyq partızan soǵysynyń» úreı týǵyzarlyq kadrlaryn qaladaǵy barlyq derlik telearnalar kórsetken. «Narazylar» bolsa kúsh kórsetý áreketterine ózderiniń qatystarynyń joq ekenin aıtýda. Biz halyqaralyq qarjy júıesine jáne Italııa úkimetiniń eldi ashtyqqa soqtyrǵan saıasatyna qarsymyz. Bulaı ómir súrýge bolmaıdy, jastardyń bolashaǵyna da balta shabylýda, dep atap kórsetken olar. Búginde bılik iri-iri amerıkalyq jáne eýropalyq bankter qolyna shoǵyrlanǵan, sondyqtan álemdi apatqa alyp bara jatqan qarjy júıesimen kúresý kerek, deıdi saıasatker Djýletto Keza.
Túrkııa eskertý jasady
Eger 2012 jyly Kıpr Eýroodaqqa tóraǵalyq etetin bolsa Túrkııa EO-men baılanystardy toqtatady, dep málimdegen Túrkııa premer-mınıstri Redjep Taııp Erdoǵan.
Onyń aıtýynsha, Ankara «grekııalyq» Kıprdiń egemendigin moıyndamaıtyndyqtan, Túrkııa «solaı dep atalatyn» memleketpen dıplomatııalyq qarym-qatynastarǵa barýǵa nıetti emes. Ankara Kıprdiń birtutas memleketke birigýin jaqtaıdy, tek sondaı jaǵdaıda ǵana onyń Eýroodaqqa tóraǵalyǵy týraly sóz qozǵaýǵa bolady, dep atap kórsetken Erdoǵan.
Áskerı tutqyndar almasýdaǵy asa zor shara
Izraıl bir ǵana kapral Gılad Shalıta úshin birden myńdaǵan palestınalyqtardy túrmeden bosatpaq.
Osy oqıǵaǵa baılanysty Gaza sektorynda merekege daıyndyq júrip jatsa, Tel-Avıvtegiler osynyń ózi beker bolyp shyqpaı ma dep bas qatyrýda. Tipti Gaza sektory men Iordan ózeniniń Batys jaǵalaýynda da uzaq jyldardan keıin óz týystarymen kezdesetinine qıyndyqpen senetinder bar. Eger osy mámile bolmasa, túrmede otyrǵandardyń kóbiniń bostandyqqa shyǵýǵa esh úmitteri de bolmas edi. Olardyń arasynda 34 jyl boıy qapasta otyrǵandar da bar kórinedi.
Qaqtyǵystan 8 adam opat boldy
Iemen prezıdenti Alı Abdalla Salehke adal kúshter men oppozısııa jaǵyna shyqqan áskerıler arasyndaǵy qaqtyǵystan 8 adam qaza tapqan.
Kýágerler jeksenbiden dúısenbige qaraǵan túngi atystyń óte joıqyn bolǵanyn aıtýda. Úsh adam oppozısıonerler ornalasqan alańda artıllerııalyq snarıad jarylǵan kezde qaza tapqan kórinedi. Bul jóninde jergilikti aqparat quraldary habarlap otyr.
Qastandyqqa qatysýshylar kimder?
Irannyń syrtqy ister mınıstri Alı Akbar Salehı óz eliniń, Iran adamdarynyń Saýd Arabııasynyń Vashıngtondaǵy elshisine jasalǵan qastandyqqa qatystylyǵy týraly AQSh-tyń aıyptaýlaryn tekserýge daıyn ekenin málimdegen.
Salehıdiń aıtýynsha, Iran dıplomatqa qastandyq jasaýǵa daıyndyqqa qatysty qolda bar aqparattardy, tipti olar qasaqana qoldan jasalǵannyń ózinde, muqııat zerttemek. Iran syrtqy ister mınıstriniń túsindirýinshe, Tegeran Vashıngtonǵa is boıynsha tergeý nátıjelerin berý jóninde resmı suraý jibergen.
Hamıstiń qaza tapqany rastaldy
Lıvııanyń burynǵy basshysy Mýamar Kaddafıdi qoldaıtyn Sırııanyń «Arraı» telearnasy polkovnıktiń kishi balasy Hamıstiń qaza tapqanyn rastaǵan.
Telearna málimetteri boıynsha, Hamıs pen Lıvııa barlaý qyzmetiniń eks-basshysy Abdýlla ál Senýsı Tarhýn qalasy janyndaǵy shaıqasta 29 tamyzda qaza bolǵan. Birqatar buqaralyq aqparat quraldary Mýamar Kaddafıdiń kishi ulynyń qaza tapqany týraly buǵan deıin de habarlaǵan bolatyn. Biraq ol aqparatty ol kezderi eshkim resmı túrde rastamaǵan edi.
Oppozısııany bultartpaýdyń amaly...
Sońǵy birneshe jylda Ázerbaıjan ekonomıkalyq salada zor nátıjelerge qol jetkizdi, sondyqtan oppozısııanyń úkimetpen daýlasardaı esh syltaýy joq, dep málimdegen Ázerbaıjan prezıdenti Ilham Álıev «Ál Jazıra» telearnasyna bergen suhbatynda.
Sońǵy jeti jylda ishki jalpy ónim úsh ese ósip, 300 paıyzdy qurady, kedeıshilik deńgeıi 49-dan 9-ǵa deıin tómendep, 5 ese azaıdy, bıýdjet shyǵyndary 20 paıyz emes, 20 ese ósti. Biz óte kúshti áleýmettik qorǵaý júıesin, ınfraqurylymdyq jobalardy qurdyq. Úkimet jaqsy jumys istese oppozııanyń da bultarýǵa shamasy kelmeı qalady, dep atap kórsetken I.Álıev.
Internet materıaldary negizinde ázirlendi.