Almaty qalasyndaǵy «Kóktem-3» shaǵyn aýdanynda kórnekti aqyn Keńshilik Myrzabekov turǵan úıge eskertkish taqta qoıyldy.
Túrli sebeptermen oryndalmaı kele jatqan ıgilikti istiń júzege asýyn qala ákimi Baýyrjan Baıbek qadaǵalapty. Taqtanyń ashylý qurmetine oraı uıymdastyrylǵan jıyndy qalalyq til basqarmasynyń basshysy Mamaı Ahet basqardy. Jıynda aqynnyń jary Zınýra, uly, belgili ádebıet synshysy Amangeldi Keńshilikuly, dostary Nurlan Orazalın, Temirhan Medetbek, Iran-Ǵaıyp, Serik Turǵynbekuly, qalamdas aǵa-inileri Qýanyshbaı Qurmanǵalı, Amanhan Álimuly, Ǵalym Jaılybaı jáne taǵy basqa da aqyn-jazýshylar sóz sóıledi. Aqynnyń minezi, bolmysy, óleńi týraly aıtyldy. Aqyn-dosy Serik Turǵynbekuly Keńshilikke arnaǵan óleńinde: «28 jyldan keıin úıińe qaıtyp oraldyń uıa salyp» dedi.
О́limniń bári birdeı me? Jo-jo-joq, oǵan qarsymyn. Men ólsem erteń gúldeıdi, Tamyrym menen talshyǵym. Uıa salǵan aqyn – tiri. Sózi – tiri. Endeshe, jyrsúıer qaýym barda aqynnyń jyry, sózi el jadynan óshpek emes, elimen birge jasaı bermekshi.
Baǵashar TURSYNBAIULY, «Egemen Qazaqstan» ALMATY