Ol jartylaı fınalda Kamerýn boksshysy Foký Arsendi jeńdi.
Búgin bokstan Germanııanyń Gambýrg qalasynda ótip jatqan bokstan álem chempıonatynyń jartylaı fınaldyq básekesiniń ekinshi kúni bastaldy. Keshegi jarys kúninde tórt boksshymyz shyǵyp, Qaırat Erálıev (56 kg) pen Amanqul Ábilhan (75 kg) fınalǵa shyqqan bolatyn.
Jartylaı fınaldyń ekinshi kúninde +91 kılodaǵy otandasymyz Qamshybek Qońqabaev kamerýndyq boksshy Foký Arsenmen judyryqtasyp, upaı sany boıynsha jeńiske jetti.
Qos boksshy alǵashqy raýndty óte saqtyqpen bastady. Ekeýi de qorǵanysqa asa qatty kóńil bólip, reti kelgen shabýyldap jatty. Degenmen, Qamshybek ekinshi nómirmen jumys istep, qarsy soqqymen kútip alyp jatty. Raýnd sońynda Qońqabaev jyldamdyǵyn qosyp, qarsylasyna qaraǵanda anyq jáne dóp soqqylarmen kózge tústi.
Ekinshi raýndta Qamshybek Arsendi soqqynyń astyna alyp, bir ret eseńgiretip jiberdi. Sonan soń tóreshi esep ashyp, nokdaýn tirkedi. Úshinshi raýndta da otandasymyz kamerýndyq boksshyny taǵy bir ret eseńgiretip, tóreshi ekinshi ret esepti ashýǵa májbúr boldy. Sóıtip, bul kezdesý Qamshybek Qońqabaevtyń aıqyn basymdylyǵymen aıaqtaldy.