Chernogorııa ulttyq quramasynyń bas bapkeri Lıýbısha Týmbakovıch Qazaqstan quramasyna qarsy ótken matchtan keıin BAQ ókilderine suhbat berdi.
- Keshe match aldynda Qazaqstan quramasy jańa bapkerdiń tusynda jańa bir deńgeıge kóterilgeni týraly aıttyńyz. Shyn máninde ulttyq quramamyzdyń oıynynan progress baıqadyńyz ba?
- Bilesiz be, bul jerde másele bapkerde emes oıynshylardyń motıvasııasynda bolyp tur. Bizdiń jaǵdaıymyzda jigitter topta joǵarydan kóringisi keledi. Al Qazaqstan quramasynan mundaı jigerdi baıqamadym.
- Match osyndaı iri eseppen aıaqtalýy kerek edi dep oılaısyz ba?
- Joq, olaı oılamaımyn. Qarsylastarymyzdyń keminde bir gol soǵatyn múmkindigi bar edi. Biraq sáttilik joldas bolmaǵan sekildi.
- Esep 0:2 bolǵan tusta siz alańnan oıynshy almastyrdyńyz. Oıynshy jaraqat alyp qaldy ma, álde taktıkalyq turǵyda osylaı durys dep sheshtińiz be?
- Bul taktıkalyq turǵydan qabyldanǵan sheshim edi.
- Qazaqstan quramasynyń oıynynan unaǵan jeri bar ma? Sondaı-aq, qaı oıynshyny erekshe atap óter edińiz?
- Qazaqstan quramasyn osal dep aıta almaımyn. Sol qaptalda jáne ortalyq shabýylda óner kórsetken jigitter unady.
Aıan ÁBDÝÁLI, «Egemen Qazaqstan»