Jańa oqý jylynda Aqtóbe oblysynyń mektepterinde 132 myń balalar oqıdy, sonyń 16 422 - birinshi synyp oqýshylary, dep habarlaıdy əkimdiktik baspasóz qyzmeti.
Búgin Aqtóbe oblysynda 8 jańa mektep paıdalanýǵa berildi. Aqtóbe qalasy boıynsha 2 mektep (№63, 64) Batys-2 móltek aýdanynda ashylsa, bir jańa mektep Nokın aýylynda qosyldy. Sonymen qatar Oıyl aýdanynda 2 mektep, Muǵaljar aýdanynda 1 mektep, Yrǵyzda 1 mektep jáne Shalqar aýdanynda 1 mektep ashylý rásimderi ótýde. Oblys ortalyǵynda burynǵy ǵımarat esebinen taǵy bir mektep iske qosylady, dep habarlaıdy oblys ákiminiń baspasóz qyzmeti.
Oblys ortalyǵynyń Batys-2 móltek aýdanynda salynǵan 600 jáne 320 oryndyq eki mekteptiń qurylysy QR Ultyq qordan qarjylandyryldy. Jańa mektep Aqtóbedegi úsh aýysymdaǵy №23 orta mektebine júktemeni azaıtyp, №1,17,21,27 mektepterindegi bala sanyn azaıtady. Jańadan salynǵan Nokın aýylyndaǵy mektep te sol mańaıdaǵy Blagodarnyı orta mektebiniń úsh aýysymdylyǵyn sheshýge arnalǵan. Aýdandardaǵy 5 mektep tozǵan jáne apatty jaǵdaıdaǵy mektepterdiń máselesin sheshedi dep kózdelgen. Bıyl Aqtóbe oblysynda 10 080 orynǵa arnalǵan 25 bilim ordasynyń qurylysy júrip jatyr.
Bıylǵy oqý jylynda 12 jyldyq bilim berý jańartylǵan bilim mazmuny boıynsha jańa baǵdarlamamen 1, 2, 5, 7-synyp oqýshylary - oblysymyzda barlyǵy 57 myń bala oqıtyn bolady. Bilim alýshylardy mektep oqýlyqtarymen qamtamasyz etý úshin jergilikti bıýdjetten 1,1 mlrd teńge bólingen.