3 qyrkúıek kúni Astana əkimdiginiń qoldaýymen IV dástúrli «Altyn tulpar» respýblıkalyq bəıge ótedi, - dep habarlaıdy ákimdiktiń resmı saıty. Tanymal ulttyq sport túri boıynsha týrnır halyqaralyq mamandandyrylǵan EKSPO-2017 kórmesi aıasynda uıymdastyrylyp otyr.
«Altyn tulpar» alaman báıgesi Astana ákimdigi men ulttyq sport túrleri boıynsha respýblıkalyq federasııa «Samruk-kazyna» ulttyq ál-aýqat qorynyń, Mádenıet jáne sport mınıstrliginiń, «Nur Otan» partııasynyń, sonymen qatar «EKSPO-2017» UK qoldaýymen ótkiziledi. Osymen tórtinshi ret uıymdastyrylyp otyrǵan alaman-báıge formaty bıylǵy jyly birqatar ózgergen. Atap aıtqanda, buǵan deıin shaýyp ótý sheńberi 12,5 shaqyrymdy qurasa, endi 7 shaqyrym. Qashyqtyq – 51 km.
Qashyqtyqta ár 2 shaqyrym saıyn baqylaý pýnktteri ornalasady. Onda tóreshiler, veterınarlar, quqyq qorǵaý organdarynyń ókilderi bolady. Sondaı-aq, báıgeniń ótý barysy beınebaqylaý kameralaryna túsiriledi. At jarys tikeleı efırde jáne LED-ekranda kórsetiledi. At jarysy dodasyna elimizdiń barlyq aımaqtary men Almaty men Astana qalalarynyń komandalary qatysady.
Bas júldege 10 mln teńge tigilgen. Sondaı-aq júldelerdi birinshi kelgen 9 shabandoz ıelenedi. Báıge Aqmola oblysy, Selınograd aýdany, «Qabanbaı batyr» aýylynda ótedi (Astanadan 35 shaqyrym jerde). Alaman báıge 3-qyrkúıek kúni saǵat 11:00-de bastalady.