Dostyǵymyz berik, turaqtylyǵymyz tuǵyrly

Memleket basshysynyń atyna Ońtústik Qazaqstan oblysy, Tóle bı aýdandyq túrik etnomádenı birlestiginiń tóraǵasy Mýhtazım Taırovtan hat keldi, dep habarlady Qazaqstan Respýblıkasy Prezıdentiniń baspasóz qyzmeti. Avtor hatynda sonaý 30­-­ jyl­darda saıası qýǵyn-súrginge ushyraǵan talaı ulttyń ba­la­syn baýyryna basyp, bir úzim na­nyn bólip berip, olardy ajal­dan aman alyp qalǵan, qı­yn-qystaý kezeńde pana bolǵan keńpeıil qazaq halqyna alǵy­syn aıtady. Odan ári hatta bylaı delingen: «Eshkimdi jatsynbaıtyn qa­zaq halqy ultaralyq qarym-qatynasqa oń yqpal etip, adam­dardyń ózara syılastyǵy men yntymaǵyn jarastyra tústi. Mu­nyń nátıjesi elimizdiń búgingi ómirinen aıqyn seziledi. Sizdiń salıqaly saıasatyńyzdyń arqa­syn­da birligi jarasym tap­qan Qazaq elinde qanshama etnos Táýelsizdiktiń týyn jelbiretip, bir úıdiń balasyndaı, bes saý­saq­tyń salasyndaı jaqsy ómir súrýde. Sizdiń bastamańyzben qu­rylǵan Qazaqstan halqy As­sam­bleıasy otandastarymyz ara­syn­daǵy tatýlyqty nyǵaıtýǵa, qa­zaq­standyq qoǵamdy ortaq maq­sat­qa uıystyrýǵa, ultaralyq kelisimdi bekemdeýge baǵyt­tal­ǵan ınstıtýtqa aınaldy. Assam­bleıa­nyń jemisti jumysynyń nátı­je­sinde dostyǵymyz berik, tu­raqtylyǵymyz tuǵyrly, yn­ty­maǵymyz jarasty elge aı­naldyq. О́zim turatyn Ońtústik Qa­zaqstan oblysynyń, Tóle bı aýdanynda 40-tan astam etnos beıbit ómir súrip keledi. Aýdanda túrik, slavıan, nemis, ózbek, koreı, kúrd etnomádenı birlestikteri jumys isteıdi. Olardyń ana tilin, mádenıetin saqtaýǵa jáne jańǵyrtýǵa barlyq jaǵ­daı jasalǵan». Hat ıesi odan ári Pre­zı­dent­tiń basshylyǵymen elimiz zor jetistikterge jetkenin aıta kelip, Elbasyna zor densaýlyq, to­laıym tabys jáne baq-bereke tileıdi.