Elbasynyń «Bolashaqqa baǵdar: rýhanı jańǵyrý» atty maqalasy halqymyzǵa úlken serpilis týǵyzdy. Rýhanı dúnıemizdi jańǵyrtty. Bolashaqqa degen senimimizdi nyqtady.
Elbasy qaı máseleni qozǵasa da ulttyq qundylyǵymyzdyń ózegin saqtaýdy eskertýden tanbaıdy. Sondyqtan da « ... rýhanı jańǵyrý ulttyq sananyń túrli polıýsterin qıynnan qıystyryp, jarastyra alatyn qudiretimen mańyzdy», «Bul – tarlan tarıhtyń, jasampaz búgingi kúni men jarqyn bolashaqtyń kókjıekterin úılesimdi sabaqtastyratyn ult jadynyń tuǵyrnamasy», «Men halqymnyń taǵylymy mol tarıhy men yqylym zamannan arqaýy úzilmegen ulttyq salt-dástúrlerin aldaǵy órkendeýdiń berik dini ete otyryp, árbir qadamyn nyq basýyn, bolashaqqa senimmen bet alýyn qalaımyn», dep atap kórsetedi.
Endi Elbasy tańdaýynyń árbir taraýyna qysqasha oı júgirtip kórelik.
«Qazirgi tańda jeke adam ǵana emes, tutas halyqtyń ózi básekelik qabiletin arttyrsa ǵana tabysqa jete alady», – deıdi Elbasy. Shyn máninde adamdardyń bir-birimen, tipti ujymdar men óndiristik kásiporyndar, sharýashylyq qurylymdary arasynda básekelestik bolmaıynsha, atqarylyp jatqan isterden nátıje kútý de múmkin emes. Sondyqtan qazirgi zaman talabyna saı ozyq tehnologııalardy ıgerý, birneshe tilderdi meńgerý, eń bastysy, mádenı bolmysymyzdy jańǵyrtý árbir qazaqstandyqtyń tól mindeti bolmaq.
«Pragmatızm, – deıdi Elbasy, – ózińniń ulttyq jáne jeke baılyǵyńdy naqty bilý, ony únemi paıdalanyp soǵan sáıkes bolashaǵyńdy josparlaı alý, ysyrapshyldyq pen astamshylyqqa, dańǵoılyq pen kerdeńdikke jol bermeý degen sóz». Buǵan túsinik berip jatýdyń ózi artyq sııaqty. Rasynda da bizdiń qoǵamymyzda da kúndelikti turmysymyzda qol jetken tabystarǵa toqmeıilsý, masattaný, keýdemsoqtyq áreketterdiń qubylystaryn, asta-tók ysyrapshyldyqtyń bolyp jatqanyn kún saıyn kezdestirip júrmiz. Sondyqtan kim-kim de «Asqandy da kórgenbiz, tasqandy da kórgenbiz, Asyp-tasyp aqyry sasqandy da kórgenbiz» degen halyqtyq naqyldy jáne «Sýdyń da suraýy bar» degen sózdi esten shyǵarmaǵandary abzal.
Maqalanyń eń ózekti máseleleriniń biri – ulttyq biregeılikti saqtaý. Elbasy «Ulttyq jańǵyrý degen uǵymnyń ózi ulttyq sananyń kemeldenýin bildiredi», deıdi. Munyń ózi qazir ártúrli qyzyldy-jasyldy basylymdarda andyzdap júrgen alýan túrli suraqtarǵa jaýap beredi.
Biz óz jerimizde ózgelermen ıyqtasa júrip qaıtkende ulttyq qasıetterimizdi saqtap qala alamyz, qaıtkende ult bolyp qala alamyz, mine, Elbasy osy máselelerge ashyq jaýap bergen: «Ulttyq salt-dástúrlerimiz, tilimiz ben mýzykamyz, ádebıetimiz, joralǵylarymyz, bir sózben aıtqanda, ulttyq rýhymyz boıymyzda máńgi qalýǵa tıis». Budan artyq qalaı aıtýǵa bolady? Osy oraıda Memleket basshysy qalyptasqan keıbir áreketterden arylý qajettigin de eskertedi. Demek, bılik pen zııaly qaýym arasyndaǵy jershildik, júzshildik, tamyr-tanystyq, sybaılastyq áreketter keıingi býynǵa taralmaýy kerek. Eń basty qaǵıdat − ulttyq mádenıetti qalyptastyrý. Buǵan qajetterdi áldebir shetelderden izdep áýrelenýdiń qajeti joq. О́zimizdiń ótken abyzdarymyz ben danalarymyzdyń ósıetnamalarynyń ózi jetip jatyr. Eger árbir qazaqstandyq babalar ósıetin balalarynyń sanasyna quısa, sonda ǵana bizdiń ulttyq kodymyz qalyptasady.
Elbasynyń elimizdi evolıýsııalyq jolmen damytý jónindegi naqty paıymdary, salmaqty oılary, qoıǵan mindetteri eshkimdi enjar qaldyrmasa kerek. Ashyq qoǵam, ashyq sana qalyptastyrýdaǵy álemdik tájirıbelerdi paıdalaný kerektigin aıtqan Memleket basshysy bul oraıda da ulttyq qaǵıdalarymyzdan ajyramaý kerektigin qatań eskertedi.
Memleket basshysynyń tapsyrmalary taıaý jyldarda naqty júzege asatyn bolsa, biz keleshek urpaqtyń múlde jańa sıpatqa ıe bolaryna senimdimiz. Sóz joq, dúnıe bir ornynda turmaıdy. Aldaǵy júz jyldyqtarda adamzattyń jańa dáýiri bastalady. Ol kezde qazirgi qundylyqtarymyzdyń múlde kádege jaramaýy da múmkin. Demek, Elbasynyń bul eńbegi biz kórip-bilgen adamzat dáýiri adamdaryn qalyptastyrýdyń álipbıi desek te qatelespeımiz.
Zakarııa SISENǴALI, Jańaqala aýdandyq máslıhatynyń hatshysy
Batys Qazaqstan oblysy