EKSPO-2017 kórmesinde ıspan tili kúni ótti

«Ispan tilinde ǵalam­shary­myz­daǵy 500 mıllıonnan asa adam tildesedi. Osy tildi bilý kez kelgen salada qajetke jaraı­dy. Ispan ti­lin biletin adam Rıvera Maııa ne­mese Galapagoss araldary syndy ıspan tilinde sóıleıtin kórikti elderge erkin saıahat jasap, tildesý jaǵynan esh qıyndyq sezinbeıtin bolady», deıdi Máskeýdegi Ser­vantes ınstıtýtynyń dırektory Abel Mýrsııa.

Basqosýda ınstıtýt ókilderi ıspan tili bilimin rastaıtyn resmı qujatty qalaı alýǵa bolatyndyǵy jaıynda arnaıy sessııa ótkizdi. Qalaǵan adam ózi­niń til deńgeıin tek­serip, DELE ıspan tiliniń dıp­lomy men til meńgerý deńgeıin baǵalaıtyn SIELE halyqaralyq servısiniń elektrondy sertıfıka­ty syndy búkil álemde moıyn­dal­ǵan qujattardy alý úshin emtı­han­dardy qalaı tapsyrý qajet eke­ndigi jóninde aqparat aldy.

Ispan tiliniń kúninde ádebıet te áńgimege arqaý boldy. Oqý or­ny­nyń mádenıet bólimi jetek­shi­si Tatıana Pıgarıova Mıgel Ser­vantestiń «Lamanchtyq aılaker ıdalgo Don Kıhot» romanynyń bas keıipkeriniń qazirgi zamandaǵy ınterpretasııasy týraly dáris oqydy.

«20 ǵasyrda Don Kıhottyń beı­nesi óz isińe nyq senimmen qa­raý ıdeıasymen tyǵyz ushtasty. Qazirgi zamanymyzda Don Kıhot búgingi órkenıettiń bas beınesine aınalyp otyr. Eger adam óz isi­ne sense, ol bizdiń ómirdegi qan­daı qıyndyq bolmasyn, álbette, jeńe alady degen oı jatyr. Ispanııa pavılonynyń taqyryby klımatty jandan­dyrýǵa, ekologııalyq kózqarastyń jeńisine arnalǵan. Al bul – naǵyz donkıhottyq maqsat. Álemdi jutatqan tehnogendik órke­nı­ette qalaı jeńiske jetýge bolady? Adamzat tiri ǵalamsharda ómir súrýi qajet degen donkıhottyq senim ǵana adamdardyń ekologııa men energııaǵa qatysty kóz­qarasyn ózgerte alady», dedi T.Pıgarıova.

Shara kezinde Ispanııanyń mádenı jáne týrıstik murasy beınelengen 90 sharshy metrlik ınteraktıvti karta tanystyryldy. Sodan keıin ıspanııalyq mýzykanttar – sazger ári ánshi Marııa Arnal men gıtarashy Marsel Bajes óner kórsetti. 

Ashat Raıqul,

"Egemen Qazaqstan"