Konkýrs erejesi:
1.1. Jýrnalıstıka salasynda «Shańyraq» shyǵarmashylyq konkýrsyn (budan ári - Konkýrs) ótkizýge arnalǵan osy Ereje Qazaqstan halqy Assambleıasynyń 2020 jylǵa deıingi damý tujyrymdamasyn iske asyrý boıynsha 2016-2018 jyldarǵa arnalǵan is-sharalar josparynyń 41-tarmaǵyn iske asyrý maqsatynda, sondaı-aq Qazaqstan Respýblıkasy Prezıdentiniń 2014 jylǵy 17 maýsymdaǵy №837 Jarlyǵymen bekitilgen Qazaqstan Respýblıkasy Prezıdentiniń janyndaǵy «Qoǵamdyq kelisim» respýblıkalyq memlekettik mekemesiniń Jarǵysyna sáıkes ázirlengen.
1.2. Konkýrstyń basshylyǵy:
1) Konkýrstyń quryltaıshysy – Qazaqstan halqy Assambleıasy (budan ári – quryltaıshy);
2) Konkýrsty uıymdastyrýshy Qazaqstan Respýblıkasy Prezıdentiniń janyndaǵy «Qoǵamdyq kelisim» Respýblıkalyq memlekettik mekemesi (budan ári – Uıymdastyrýshy) bolyp tabylady.
1.3. Osy Ereje konkýrstyń ótkizilý tártibin jáne jobalardy irikteý ólshemderin aıqyndaıdy.
2. Konkýrstyń maqsaty jáne mindetteri
2.1. Konkýrstyń maqsaty – etnosaralyq qatynastar taqyrybyn jazyp-kórsetetin jýrnalısterdi yntalandyrý arqyly otandyq jýrnalıstıkanyń damýyna yqpal etip, úles qosý
2.2. Konkýrstyń mindetteri:
1) mádenıetaralyq dıalogtyń damýyna yqpal etetin etnosaralyq qatynastar salasyndaǵy memlekettik saıasattyń máni men mazmunyn ashyp kórsetetin BAQ baǵdarlamalary men materıaldaryn dáripteý;
2) aqparattyq keńistikte kóp etnosty Qazaqstan halqynyń mádenıeti men dástúrleriniń ozyq úlgilerin ilgeriletý;
3) memlekettik tildiń qoldanys aıasyn keńeıtý;
4) BAQ-taǵy qoǵamdyq kelisim men jalpyulttyq birlikti nyǵaıtý máselelerine arnalǵan pýblısıstıkalyq materıaldardyń sapasyn arttyrý;
5) qoǵamdyq kelisim men jalpyulttyq birlikti nyǵaıtý taqyrybyn jazyp-kórsetetin qazaqstandyq BAQ-tardyń rólderi men jaýapkershilikterin arttyrý.
3. Konkýrsqa qatysýshylar
3.1. Konkýrsqa qazaqstandyq buqaralyq aqparat quraldarynyń jýrnalısteri, etnomádenı birlestikterdiń, úkimettik emes uıymdardyń ókilderi, ǵylym jáne mádenıet qaıratkerleri, sarapshylar men jeke avtorlar qatysa alady.
3.2. 2017 jylǵy Konkýrsqa sońǵy eki jylda ótkizilgen konkýrstardyń jeńimpazdary qatysa almaıdy.
3.3. Ár qatysýshy tek 1 (bir) ótinim bere alady.
4. Konkýrsty ótkizý tártibi men merzimi
4.1. Konkýrsqa qatysý úshin memlekettik jáne orys tilderinde jazylǵan, 2017 jylǵy 1 qańtardan 1 qazanǵa deıin baspa BAQ-ta, onyń ishinde, etnomádenı birlestikterdiń buqaralyq aqparat quraldarynda jáne ınternet-resýrstarda jarııalanǵan materıaldar, tele-radıobaǵdarlamalar qabyldanady.
4.2. Konkýrs kelesi nomınasııalar boıynsha ótkiziledi:
- birlikti jáne qoǵamdyq kelisimdi nyǵaıtýǵa eleýli úles qosqan tulǵalarǵa arnalǵan eń úzdik aqparattyq materıal;
- Assambleıa qyzmetiniń jańa baǵyttaryn ashatyn, onyń ishinde aýmaqtardaǵy úzdik aqparattyq materıal;
- birlik pen kelisimdi nyǵaıtý boıynsha eńbek ujymdardyń úlesine arnalǵan eń úzdik aqparattyq materıal;
- Memleket basshysynyń «Bolashaqqa baǵdar: qoǵamdyq sanany jańǵyrtý» baǵdarlamalyq maqalasyna arnalǵan eń úzdik aqparattyq materıalyna arnaıy júlde.
4.3. Konkýrs 2 kezeńnen turady:
- óńirlik konkýrsqa qatysý úshin qatysýshylar konkýrstyq jumystardy 2017 jylǵy 12 shildeden bastap 2017 jylǵy 28 qyrqýıeqqa deıin jibere alady;
- konkýrstyń birinshi (óńirlik) kezeńinen ótken konkýrstyq jumystar 2017 jylǵy 5 qazannan 2017 jylǵy 15 qazanǵa deıin ótetin konkýrstyń ekinshi (respýblıkalyq) kezeńine jiberiledi.
4.4. Úzdik jumystardy saltanatty marapattaý Astana qalasynda 2017 jylǵy qarasha aıynda medıa-forým sheńberinde ótkiziledi.
4.5.Konkýrsty uıymdastyrýshyǵa konkýrstyq ótinimderdi jarııalanǵan qabyldaý ýaqyty ótkennen keıin berilgen nemese konkýrs talaptaryna sáıkes kelmeıtin ótinimder qaralmaıdy.
4.6. Konkýrsqa jiberilgen materıaldarǵa pikir jazylmaıdy jáne qaıtarylmaıdy.
5. Konkýrstyq ótinimdi resimdeý talaptary
5.1. Konkýrsqa qatysýǵa ótinim berý konkýrsqa qatysýǵa talap etýshiniń osy Erejede kózdelgen talaptar men sharttarǵa kelisimin bergenin bildiredi.
5.2. Konkýrsqa qatysý úshin berilgen ótinim:
- kandıdattyń osy Erejeniń 1-qosymshasyna sáıkes nysanda toltyrylǵan ótiniminen;
- ótinimniń konkýrs talaptaryna sáıkes kelýin rastaıtyn qosymsha qujattardy qamtýy tıis.
Bir ótinimmen beriletin materıal sany 3-eýden kem emes jáne 5-eýden artyq bolmaýǵa tıis.
5.3. Konkýrsqa qatysýǵa ótinimdi konkýrstyń ataýy men jiberýshiniń derekterin kórsetip, konkýrstyń óńirlik uıymdastyrýshysyna elektrondy túrde, sondaı-aq, jabyq konvertpen jiberýge bolady.
5.4. Konkýrsqa qatysýǵa túsken ótinimdi konkýrsty uıymdastyrýshy ótinimniń kelgen kúni men ýaqytyn kórsetip, konkýrsqa qatysý úshin tirkeıdi.
Aqparattyq sıpattaǵy qysqa materıaldar /baspasóz habarlamasy, t.b./ konkýrsqa qatystyrylmaıdy.
5.5. Osy Erejemen kózdelgen talaptar buzylǵan jaǵdaıda konkýrsqa qatysýǵa túsken ótinim qabyldanbaıdy jáne tirkelmeıdi.
Baılanys telefondary:
8(7152)50-45-79
8(775)397-98-67
E-mail: mank.kk.sko@mail.ru
№1 QOSYMShA
Jýrnalıstıka salasyndaǵy «Shańyraq» shyǵarmashylyq konkýrsyna qatysýǵa arnalǵan ótinim
1. Qatysýshy týraly málimetter:
* oblysy, eldi mekeni;
* tegi, aty, ákesiniń aty;
* týǵan jeri jáne týǵan jyly;
* ulty;
* turaqty turatyn jeri;
* baılanysý telefony;
* oqý orny/jumys isteıtin jeri;
* laýazymy;
* jumys ótili.
2. Shyǵarmashylyq qujattar:
* baspa BAQ-ta jarııalanǵan materıaldardyń skanerlengen kóshirmeleri;
* ınternet-resýrstardaǵy paraqshalardyń basyp shyǵarylǵan kóshirmeleri;
* tele-, radıo baǵdarlamalardyń dıskke DVD, CD formatynda jazylǵan jazbalary.