EKSPO-2017. Kórmeniń sońy qyzyqtarǵa toly bolmaq

Búgin, ıaǵnı 4 qyrkúıek kúni kórme qalashyǵyndaǵy ulttyq sahna­da tórt birdeı konsert uıym­das­­tyrylady. Saǵat 10.00-de munaı sa­rapshy-elderi uıymdarynyń (OPEK), 12.00-de Tývalý mem­le­ke­ti­niń, 15.00-de Italııanyń, al 18.00-de qazaqstandyq «Dara» to­bynyń mádenı baǵdarlamalary qoıylady. Al 21.30-da amfıteatr­da «Astana» ra­dıosy ázirlegen konsert beriledi. 

5 qyrkúıek kúni saǵat 10.00-de sfe­ra janyndaǵy sahnada álemdik mu­naı keńesi kúnine arnalǵan konse­rt ótedi. Dál osy jerde saǵat 15.00-de О́zbekstannyń ulttyq kúni merek­e­le­nedi. Saǵat 14.00-den 16.00-ge deıin ar­gen­tınalyqtar ózd­eriniń bıleri já­ne mýzykasymen kórmeniń MAF-2 art-nysanynda kórermenderiniń kózaıymyna aınalady. 

6 qyrkúıek kúngi oqıǵalar saǵat 11.00-de Birikken Arab Ámirlik­te­ri­­niń ulttyq kúni merekesimen bas­ta­lady. Keshki saǵat 21.30-da Qara­ǵan­dy oblysynyń mádenı kúnderi aıasynda konserttik baǵdarlama kórsetiledi. 

7 qyrkúıek kúni saǵat 11.00-de Polshanyń ulttyq kúni­ne oraı osy eldiń ulttyq she­rýi uıymdastyrylmaq. Al sa­ǵat 17.00-den bastap 18.00-ge deı­in shy­­ǵarmashylyq energııa aýma­ǵyn­da Úndistan pavılonynyń uıym­das­­tyrýymen ıoga sabaqtary ótedi. 

8 qyrkúıek kúni saǵat 11.00-de Re­seı Federasııasy ulttyq sherýin jurt­shylyq nazaryna usynady. Sa­ǵat 16.00-den 19.00-ge deıin Sý aý­­maǵynda plaz elderiniń (Jibek jo­ly, Afrıka, Tynyq muhıty, La­tyn Amerıkasy, Mysyr) shy­ǵar­­mashylyq ujymdary óner kórsetedi. 

9 qyrkúıek kúni ulttyq kún sah­nasynda sońǵy konserttik baǵ­darlamalardyń birin kór­meniń halyqaralyq bıýrosy uıym­das­ty­rady. 10 qyrkúıek kúni Kongress-or­talyqta kórmeniń resmı jabylý saltanaty ótip, konserttik bólimi amfıteatrda jalǵasady. 

Ashat Raıqul,

"Egemen Qazaqstan"