Qazaqstandyq kásipqoı boksshy Qanat Islamnyń EKSPO aıasynda ótetin kezekti jekpe-jeginde rıngke kıip shyǵatyn kıim úlgisi tanystyryldy.
Jańa kıim úlgisi boksshynyń Facebook jelisindegi paraqshasynda jarııalandy. Kıim aspan kók túste bolyp, oǵan altyn túste boksshynyń laqap aty «QAZAQ» dep jazylǵan.
Aıta keteıik, 9 qyrkúıek kúni EKSPO-2017 aıasynda «Saryarqa» velotreginiń alańynda boks keshi ótedi. Jeńilip kórmegen qazaqstandyq Qanat Islam men kanadalyq Brendon Kýktyń aıqasy - basty oqıǵa bolady. Sondaı-aq osy jekpe-jektiń anderkartynda qazaqstandyq 8 boksshy sharshy alańǵa shyǵady.