Elordalyq ákimdikte jolaýshylardy taksımen zańsyz tasymaldaýdy joıý boıynsha baspasóz konferensııasy ótti. Is-sharaǵa Astana qalasynyń Jolaýshylar kóligi basqarmasynyń, elordalyq IID jáne «Astana qalasy kólikshiler qaýymdastyǵynyń ókilderi qatysty. Bul týraly qalalyq ákimdiktiń baspasóz qyzmeti habarlady.
Baspasóz konferensııasynyń basty taqyryby qala qonaqtary men turǵyndarynyń taksı jolaýshylaryna qyzmet kórsetý sapasyna baılanysty úndeýleri boldy.
Esterińizge sala keteıik, 2017 jyldyń 12 sáýirinde taksı avtomobılderiniń jańa eskızi jáne júrgizýshilerdiń formalyq kıim úlgisi bekitildi. Búgingi kúni 14 taksomotorlyq kompanııa Jolaýshylar kóligi basqarmasymen shart jasasty. Ol shamamen 500 avtokólik.
Atap ketken jón, QR «Avtomobıl kóligi týraly» Zańynyń 26-babyna sáıkes jeke kásipkerler nemese zańdy tulǵalar taksı tasymaldaýshy retinde qyzmet kórsetýdiń aldynda jergilikti atqarýshy organǵa Qazaqstan Respýblıkasynyń «Ruqsat jáne habarlama týraly» Zańymen belgilengen tártipte qyzmettiń bastalǵany týraly habarlama jiberýge mindetti.
Osydan keıin, QR Úkimetiniń Astanada jolaýshylardy jáne júkti avtomobıl kóligimen tasymaldaý erejelerine sáıkes jeke kásipkerler nemese zańdy tulǵalar elordada jolaýshylar men bagajdy tasymaldaý jóninde Astana qalasynyń Jolaýshylar kóligi basqarmasymen shart jasasýy qajet. Sodan keıin basqarmamen ár kólik quralyna kýálik beriledi.
Mamandar atap ótkendeı, zańsyz taksı tasymaldaýshylarynyń kólikteri qanaǵattanarlyqsyz tehnıkalyq jaǵdaıda jáne kóp bóligi toqsanynshy jyldan beri qoldanysta. Barlyq derlik zańsyz tasymaldaýshylar jolaýshylar tasymalyn «tapsyrys» túrinde júzege asyrady.
Joǵary paıda tabý maqsatynda zańsyz tasymaldaýshy barlyǵynda únemdeıdi: sapar aldyndaǵy júrgizýshilerdiń medısınalyq tekserisi joq; jyljymaly quramnyń tıisti tehnıkalyq tekserisi joq; kóliktiń Jolaýshylardy jáne júkti avtomobıl kóligimen tasymaldaý erejeleriniń talaptaryna sáıkes kelmeýi.
Atalǵan barlyq qaýip zańsyz qyzmetti qoldanatyn jolaýshyrlaǵa júkteledi.
Sonymen birge bekitilgen negizde saqtandyrý polısteri jáne tasymaldaýshynyń jolaýshy aldyndaǵy azamattyq-quqyqtyq jaýapkershilikti mindetti saqtandyrý sharty bolmaıdy, sondaı-aq ruqsat berýshi qujattar men kelisimder.
Zańsyz taksı qyzmetterin qoldanylatyn azamattar ózderiniń ómirleri men densaýlyǵyn qaterge tóndiredi, sebebi, zańsyz júrgizýshiler paıda tabý maqsatynda jıi túrde jol júrý erejelerin buzady, jyldamdyq rejımin saqtamaıdy, bul, jıi jol-kólik oqıǵalaryna ákeledi, nátıjesinde jolaýshylar jaraqat alyp, qazaly jaǵdaılar bolýy múmkin.
Atalǵan zańsyz taksı qyzmeti adal tasymaldaýshylardyń abyroıy men bedelin túsiredi, sebebi, kóp jaǵdaıda qyzmetti tutynýshy kimniń qyzmetin qoldanǵanyn bilmeıdi jáne túsinbeıdi. Sońǵy kezde jıilep ketken qylmystyq jáne alaıaqtyq sıpattaǵy oqıǵalarǵa qoǵam kóbinese jalpy túrde «taksıstter» dep qaraıdy.
Osy máseleni retteý maqsatynda 12 qyrkúıekten 11 qazanǵa deıin avtokólik quraldary júrgizýshileriniń zańsyz qyzmet kórsetýin aldyn-alý boıynsha jedel profılaktıkalyq is-sharalar ótkizý josparlanǵan.
Jergilikti polısııa qyzmeti jáne Ákimshilik polısııa basqarmasy qyzmetkerlerimen QR zańnamasymen qarastyrylǵan talaptardyń (biryńǵaı tús gammasy, avtokóliktiń sanıtarlyq jáne tehnıkalyq jaǵdaıy, ruqsat berýshi qujattardyń bar bolýy) saqtalýyn qadaǵalaý júrgiziledi.
Jáne tekseriske taksı aqparattyq-dıspetcherlik qyzmetteri tartylady.
QR «Avtomobıl kóligi týraly» Zańyna sáıkes taksı aqparattyq-dıspetcherlik qyzmetteri aqparattyq-dıspetcherlik qyzmet kórsetý boıynsha taksı tasymaldaýshylarynyń reestirine tirkelgen taksı tasymaldaýshylarymen shart jasasady.
Búginde Astana qalasynda kóptegen zańsyz aqparattyq-dıspetcherlik qyzmetter jumys atqarady. Dıspetcherlik qyzmetter reestrinde eki qyzmet tirkelgen. Ol – «Astana taxi» jáne «01 óńir», olar ózderiniń qyzmetterin zańdy negizde júzege asyra alady.
Biraq, atalǵan eki aqparattyq-dıspetcherlik qyzmetterdiń tek «Astana taxi» qyzmeti zańnama talaptaryna sáıkes keledi.