«Egemen Qazaqstan» RG» AQ Tóraǵasy Darhan Qydyráli men Iran Islam Respýblıkasy Aqparat Agenttigi (IRNA) basqarýshy dırektory Mýhammad Hodadı kezdesti.
Eki jaqty kezdesýde kásibı yntymaqtastyqty nyǵaıtý, dostyq qarym-qatynastar men medıa salasyndaǵy jemisti yntymaqtastyq ornatý máseleleri sóz boldy. IRNA basshysy Mýhammad Hodadıdiń aıtýynsha, Iran men Qazaqstan mádenı, dinı, tarıhı turǵydan bir-birine uqsas memleket.
О́z kezeginde Darhan Qydyráli meımandarǵa izgi lebizin bildirdi. Sonymen qatar, elimizdiń bas basylymy jóninde áńgimelep, redaksııamen tanystyrdy. D.Qydyráli «Egemen Qazaqstan» tarapynyń da áriptestik baılanys ornatýǵa ázir ekenin jetkizdi.
IRNA – Irandaǵy beldi medıa ókili bolyp tabylady. Agenttiktiń birneshe merzimdi basylymy jáne ınternet portaly bar. IRNA-nyń Iranda 60 jáne álem elderinde 30 keńsesi bar.