Astanada ótip jatqan «Álem barysy ‒ 2017» týrnıriniń birinshi aınalymynda boz kilemge shyqqan qazaqstandyq balýandar kelesi kezeńge ótti.
Eń áýeli bıylǵy «Qazaqstan Barysy» básekesiniń jeńimpazy Elaman Erǵalıev kamerýndyq balýan Dolassen Dııýdonnnyń arqasyn jer ıisketse, odan keıin beldesken Erjan Shynkeev ırandyq Mozamı Far Vahıdten aılasyn asyryp ketti.
Sonymen qatar, Aıbek Nuǵymarov, Dáýren Nuralıev, Aıbat Seıten tikeleı ekinshi kezeńge joldama aldy.
Kelesi kezeńde Elaman koreıalyq sportshy Lı Bıongvamen beldesse, Erjanǵa estonııalyq Dmıtrıı Lepp qarsylas atandy. Aıbek polıak Pıotr Tomashpen, Dáýren ózbek Mýhsın Hısomıdınovpen, Aıbat argentınalyq Del Rıo Lýsıanomen kúsh synasady.