Islam yntymaqtastyq uıymynyń Astanadaǵy sammıtinde Túrkııa delegasııasy Mıanmadaǵy musylmandar problemasyn kóterýdi kózdeıdi. Túrik delegasııasyn osy eldiń basshysy Redjep Taıyp Erdoǵan bastap keldi, dep xabarlaıdy QazAqparat
"Biz Túrkııanyń Syrtqy ister mınıstrimen kezdesip, biraz máselelerdi talqylap shyqtyq. Sonyń ishinde Mıanmadaǵy musylmandardyń jaǵdaıyna qatysty problemalar da bar", - dedi QR Syrtqy ister mınıstri Qaırat Ábdiraxmanov jýrnalısterge bergen suxbatynda.
Onyń aıtýynsha, Túrkııanyń syrtqy ister mınıstri Mıanmadan qashyp ketken bosqyndarǵa ózi baryp, olardyń jaǵdaıymen jan-jaqty tanysyp shyqqan. "Ol óz áserimen bólisti. Túrkııa eliniń ókilderi Astanadaǵy Islam yntymaqtastyq uıymynyń sammıti kezinde Mıanmadaǵy musylmandar máselesin kóterýdi kózdeıdi", - dep atap kórsetti Ábdiraxmanov.
Aıta keteıik, búgin Aqordada QR Prezıdenti Nursultan Nazarbaev Túrkııa Respýblıkasynyń basshysy Redjep Taıyp Erdoǵandy qabyldady. Ekijaqty kezdesý kezinde Erdoǵan qazaq jerine jasaǵan alǵashqy saparyn eske aldy.