Qazaqstannyń Djıý-djıtsý qaýymdastyǵynyń Qurmetti prezıdenti Bolat Majaǵulov djıý-djıtsýdyń IBJJF jelisi boıynsha Azııa chempıonatynyń qola júldegeri atandy, dep habarlaıdy qaýymdastyqtyń baspasóz qyzmeti.
Astana qalasy mádenıet basqarmasynyń basshysy, sondaı-aq Qazaqstannyń djıý-djıtsý qaýymdastyǵynyń Qurmetti prezıdenti Japonııa astanasy Tokıoda djıý-djıtsýdyń IBJJF jelisi boıynsha ótken Azııa chempıonatynda qola júlde ıelendi.
Sonymen qatar Qazaqstannan taǵy 4 sportshy halyqaralyq Asian IBJJF Jiu-Jitsu Championship týrnırine qatysyp, túrli dárejelerde júldelerdi aldy.
Azııa chempıonatynyń qorytyndysy boıynsha, Qazaqstan qorjynynda 2 altyn, 1 kúmis jáne qola medal bar. Eń úzdik nátıje kórsetip, qarsylastarynan basym túsken Rýstam Malaev pen Asan Júnisov Azııa chempıondary atandy.
Chempıonattyń kúmis medalin Sanat Shapashov jeńip aldy. О́ziniń joǵary dárejedegi sheberligin kórsetken Bolat Majaǵulov chempıonattyń qola júldegerleri atandy. Jalpy Tokıoda IBJJF jelisi boıynsha ótken Azııa Chempıonatyna álemniń barlyq memleketterinen jalpy sany 900 sportshy qatysty.