Ǵylym jáne tehnologııalar jónindegi Islam yntymaqtastyq uıymynyń Birinshi sammıti qarsańynda Qazaqstan Prezıdentiniń kómekshisi Nurlan Ońjanovtyń «Bitimger. Sırııalyq túıin» kitaby aǵylshyn tilinde shyǵaryldy, dep habarlaıdy SIM baspasóz qyzmeti.
Kitap sırııalyq janjalyna qatysty kúrdeli máselelerdi retteýindegi Prezıdent Nursultan Nazarbaevtyń úlesine arnalǵan. Atap aıtqanda, kitapta reseı-túrkııa qatynastaryn qalpyna keltirý úderisi týraly, sırııaaralyq baılanystarynqalyptastyrý, sondaı-aq Sırııa boıynsha Astanalyq úderisiniń bastalýy týraly baıandalǵan. Kitaptyń aǵylshyn tilindegi nusqasyn brıtandyq«HerdfordshirePress» baspa úıi jaryqqa shyǵardy.
Sonymen qatar, IYU Astanalyq sammıtiniń barysynda áıgili reseılik jazýshy Sergeı Plehanovtyń arab tiline aýdarylǵan «Jibekteı esilmegen jol» («Ne shelkovyı pýt») atty fýndamentaldy eńbegi sammıt qatysýshylaryna usynylatyn bolady («Dar Soual» baspa úıi, Beırýt, Lıvan). Kitap Nursultan Nazarbaev ómiriniń tarıhy, onyń álemdegi eń iri saıasatkerleriniń biri retinde qalyptasýy týraly baıandaıdy. S.Plehanovtyń eńbeginde qazaqstandyq kóshbasshynyń jańa táýelsiz, órkendeýshi memleket salýyna, halyqaralyq qaýipsizdiktiń nyǵaıýyna qosqan jeke zor úlesi týraly jáne zamanaýı álemdik tártibine tıgizgen jaǵymdy yqpaly jaıyndaaıtylady.
IYU Ǵylym jáne tehnologııalar sammıti Astanada 10-11 qyrkúıek aralyǵynda ótip, «EKSPO-2017» Halyqaralyq kórmesiniń jabylýyna oraılastyrylatyn bolady. Forýmǵa 80-ge jýyq IYU múshe-memleketteri, baqylaýshy elderi, sondaı-aq halyqaralyq jáne óńirlik uıymdar delegasııalarynyń qatysýy kútilýde.