Búgin elordada Memleket basshysy Nursultan Nazarbaevtyń qatysýymen Islam yntymaqtastyǵy uıymynyń ǵylym jáne tehnologııalar jónindegi birinshi sammıti bastaldy. Qazaqstan Prezıdenti sammıttiń plenarlyq otyrysynyń ashylý saltanatynda sóz sóılep, alqaly jıyn ıslam tarıhynda erekshe iz qaldyratynyna senim bildirdi.
- Eger tarıhqa júginetin bolsaq, ıslam órkenıeti óz kezeńinde álemniń neǵurlym damyǵan ortalyǵy boldy. Ol búkil adamzattyń órkendeýine zor úles qosty. Qazirgi sıfrlyq ekonomıkanyń úsh tuǵyry bar. Iаǵnı, sandar, algebra, algorıtm. Bul bir ǵalymǵa baılanysty ekenin atap ótken jón. Ol 12 ǵasyr buryn bizdiń óńirde Amýdarııanyń salasynda týǵan Muhammed ıbn Musa ál-Horezmı bolatyn. Algorıtm termıni ál-Horezmı esiminiń latyn tilindegi transkrıpsııasy bolyp tabylady. Qazir damýdyń jańa uıymdastyrýshylyq satysyna ótýge múmkindik týdy, ony paıdalanýymyz kerek. Paıǵambarymyzdyń hadısterinde mynadaı joldar bar: «Kimde-kim bilim izdeý jolyna tússe, Alla taǵala onyń jánnatqa barý jolyn jeńildetedi,– dedi Elbasy.
Memleket basshysy atap ótkendeı, ıslam búginde qarqyndy damyp kele jatqan din. HHI ǵasyrda ol álemdegi eń kóp taraǵan dinge aınalady. Paıǵamdar hadısinde «Besikten qabirge deıin bilim izdeidep» dep aıtylǵan. Olaı bolsa, bizdiń basty mindetimiz ıslam órkenıetine qyzmet etetin jańa ıdeıalardy júzege asyratyn ıntellektýaldy jańa elıtany tárbıeleý.
Arnur ASQAROV, «Egemen Qazaqstan»