EKSPO-2017 halyqaralyq mamandandyrylǵan kórmesiniń sońǵy kúni. Shara ádettegideı, esigin aıqara ashyp, kelýshilerdi qabyldap, sherý ótti.
Kórmeniń alǵashqy kúnderi tkórermender sany 20-30 myńnyń shamasynda bolsa, aqyrǵy táýlikterde bul kórsetkish bes esege deıin kóbeıip, júz myńnan asyp jyǵyldy. EKSPO-nyń jabylý saltanaty keshen aýmaǵyndaǵy amfıteatrda uıymdastyryldy. Onda aldymen DJ Timofei men Nurbergen Mahambetov syndy estrada ánshileri, «Americano», «Holliwood» qatarly toptar meımandarǵa kóterińki kóńil-kúı syılap, konsert qoıdy.
Sodan keıin sahnadaǵy alyp ekrandardan EKSPO kórmeleriniń tarıhy kórsetildi. Onda adamzat balasynyń jetken jetistikteri, atap aıtqanda avtokólikten bastap, qolymyzdaǵy smartfondarǵa deıingi úzdik tehnologııalardyń tarıhynan syr shertildi.
Uıymdastyrýshylar jas urpaqtyń býyny retinde balany sońǵy tehnologııalarmen bezendirilgen sahnaǵa shyǵaryp, jas býynnyń kózimen keleshekten habar beredi. Kórkem qoıylymda kún jáne jel kúshimen birge, sý astyndaǵy baldyrlardan da energııa óndirýdiń tehnologııasy aıshyqtalǵan.
Sondaı-aq, HHI ǵasyrdyń kreatıvti jobasy – bolashaqtyń vakýmdy poıyzynyń jobasy tanystyryldy. Saǵatyna 1300 shaqyrymǵa júretin keleshektiń kóliginiń jobasynyń avtory – ataqty amerıkalyq ónertapqysh Ilon Mask. Poıyzdyń synaǵy AQSh-ta ótkizilgen. Qazirgi ýaqytta ony iske asyrý jobasy qolǵa alynýda. Bul poıyz keleshekte Almaty men Astana aralyǵyn 45 mınýtta júrip ótedi.
Sharada sondaı-aq, ár adamnyń qadamynan, ósimdikterden óndiriletin energııanyń jobalary tanystyryldy. Uıymdastyrýshylar qoıylym arqyly qarapaıym gúldiń smartfondy qýattaı alatynyn kórsetken. Demek, qorshaǵan orta energııanyń kózine aınalady. Terezedegi gúl úıdiń kórkine aınalyp qana qoımaı, shańyraqqa jaryq bere alady. Ekologııalyq taza energııalar qorshaǵan orta arqyly arnaıy qoımaǵa jınalyp, halyqqa qyzmet etpek.
Ashat RAIQUL, "Egemen Qazaqstan"