Premer-Mınıstr Baqytjan Saǵyntaev «Bolashaq energııasyna bastar jol» XI Eýrazııalyq Kazenergy forýmynyń plenarlyq otyrysyna qatysty.
Premer-Mınıstr sharaǵa qatysýshylarǵa búgingi forým taqyrybynyń mańyzdylyǵyn aıtyp ótti.
«Shynymen de, bizdiń kóz aldymyzda jahandyq energetıkalyq naryqtyń jańa modeline kóshýdiń biregeı prosesi óris alyp jatyr. Biz ekonomıkalyq damý men ǵalamshar ekojúıesin saqtaý arasyndaǵy teńgerim negizinde turaqty energetıkalyq damýdy qamtamasyz etý mańyzdylyǵynyń ıdeıasyn qoldaımyz», dedi ol.
Sondaı-aq, Baqytjan Saǵyntaev EKSPO-2017 murasy álemdik energetıka júıesiniń damýyna ári jahandyq energetıkanyń turaqty damýynyń jańa úlgilerin qalyptastyrýǵa serpin beretinin aıtty.
Premer-Mınıstr Qazaqstan Úkimetiniń turaqty energetıka salasynda tabysty yntymaqtastyq ornatýǵa ázir ekenin málimdedi, sonymen qatar forým delegattaryn energetıkalyq syn-tegeýrinderdiń sheshimin birlesip tabýǵa jáne syndarly dıalog júrgizýge shaqyrdy.
Budan ózge, plenarlyq otyrysta Reseı Úkimeti tóraǵasynyń orynbasary Arkadıı Dvorkovıch, Islandııanyń eks-prezıdenti Oýlavıýr Ragnar Grımsson, BAÁ energetıka mınıstri Sýheıl Muhammed ál-Mazrýı, Venesýelanyń munaı jáne taý-ken ónerkásibi mınıstri Eýlohıo Del Pıno jáne «Astana» halyqaralyq qarjy ortalyǵynyń basqarýshy dırektory Qaırat Kelimbetov sóz sóıledi.
Forým aıasynda plenarlyq jáne baǵdarlamalyq seksııalar, ǵylymı-tájirıbelik konferensııalar, dóńgelek ústelder, ınnovasııalyq mektep, jastar forýmy jáne áıelderdiń energetıkalyq klýbynan turatyn forým ishilik sharalar kesheni uıymdastyryldy.