Qazaqstan jastary Kongresiniń úndeýi:
2017 jyl Qazaqstan jastary úshin óte mańyzdy jyl bolyp tabylady. О́ıtkeni bul jyl jastardy ıgi isterge shabyttandyrǵan oqıǵalarǵa mol boldy, olar – Elbasymyzdyń «Rýhanı jańǵyrý» ıdeıasy boıynsha Joldaýy men Úndeýi, Álemdik Ýnıversıada-2017, Qazaqstan tarıhynda bir jyl shıregine sozylǵan alǵashqy is-shara – «Astana EKSPO-2017» halyqaralyq mamandandyrylǵan kórmesi. Atalǵan sharalardyń barlyǵy Qazaqstan jastarynyń ózderine degen senimin burynǵydan da arttyrdy. О́ıtkeni bul álem deńgeıindegi jobalardy iske asyrýǵa kómegin tıgizýge elimizdiń ár túkpirinen barsha jalyndy jastary bas qosty. Qazaqstan jastary olarǵa júktelgen jaýapkershilikti abyroımen birlese atqara alatynyn kórsetti. Endigi kezekte, biz jarqyn bolashaǵymyzdy qamtamasyz etetin áreketter aıasynda bas qosýǵa daıynbyz. Solardyń biri – osy Úndeýimiz.
Biz, Qazaqstan jastary, ulttyq qundylyqtar men tarıhymyzdy dáripteıtin, halqymyzdyń ǵasyrlar boıy jalǵasyp kele jatqan adamgershilik qasıetterine súıenetin rýhy bıik Máńgilik Eldi qurý jolyndamyz. Bul joldaǵy basty mindetimiz – ulttyq naqyshymyzdy saqtaı otyra zamanaýı talaptarǵa saı bilimdi jáne progressıvti damyǵan el bolý.
Ulttyq qundylyqtar árqashan ana tilden bastaý alady. Sondyqtan til máselesi jyldar boıy ózektilik pozısııasyn saqtap keledi.
Elimizdiń jarqyn bolashaǵyn qurý jolyn jalǵastyratyn biz, Qazaqstan jastary, latyn álipbıine kóshý ıdeıasyn qoldaıtynymyz týraly málimdeımiz. Sebebi, latyn álipbıi qazaq dybystaryn naqtyraq aıqyndaıdy.
Qazirgi tańda álem elderiniń basym bóligi tek qana latyn grafıkasyn qoldanady. Túbimiz bir túrki elderiniń de kóbisi derlik latyn álipbıimen oqyp, bilim alady. Túrki tilderiniń ereksheligine saı dybystyq uqsastyqtar da osynyń dáleli.
Latyn grafıkasyna kóshýdiń jastarǵa yńǵaıly taǵy bir sebebi – latyn áripteriniń pragmatıkalyq yńǵaıly bolýy. Álemdegi ınnovasııalyq jańashyldyqtardyń barlyǵy eń aldymen latyn grafıkasynda shyǵady. Biraz ýaqyt ótken soń ǵana, kırıll álipbıine kóshiriledi.
Latyn álipbıine aýysý qadamy bizge uzaq merzimdi keleshekte ekonomıkalyq paıda ákelip qana qoımaı, latyndanǵan ónimdi kırıllısaǵa aýdarýǵa jumsaıtyn ýaqytymyzdy únemdeýge múmkindik beredi dep oılaımyz.
Respýblıkamyzdyń jastary men jastar uıymdarynyń kongresi atynan, Qazaqstan jastary álemge myqty ári jaýapkershiligi joǵary birtutas ultty kórsetýge daıyn ekenin málimdeı otyra, Qazaq tiliniń latyn álipbıine aýysýyn biraýyzdan qoldaıdy!
Aıdyn Sábıtov, «Qazaqstan jastarynyń Kongresi» zańdy tulǵalar qaýymdastyǵy birlestiginiń atqarýshy dırektory; Danııar Súndetbaev, «Nur Otan» partııasy «Jas Otan» jastar qanatynyń tóraǵasy; Talǵat Qalıev, «Jastar» ǵylymı-zertteý ortalyǵy» jaýapkershiligi shekteýli seriktestiginiń dırektory; Azamat Bojaqov, «Qazaqstan respýblıkasy Prezıdentiniń «Bolashaq» Halyqaralyq stıpendııasy stıpendıattarynyń qaýymdastyǵy» qoǵamdyq birlestiginiń atqarýshy dırektory; Garıfýlla Myrzaǵalıev, «Qazaqstan KVN odaǵy» respýblıkalyq jastar qoǵamdyq birlestiginiń joba menedjeri; Dınara Sadvakasova, «Biryńǵaı «Jas Ulan» balalar men jasóspirimder uıymy» respýblıkalyq qoǵamdyq birlestigi tóraıymy; Tohtar Bolysov, «Jasyl el» jastar eńbek jasaqtarynyń respýblıkalyq shtabynyń jetekshisi; Tatıana Mıronıýk, «Ulttyq eriktiler jelisi» ZTB atqarýshy dırektory; Ildar Katenov, Qazaqstannyń Skaýt qozǵalysynyń prezıdenti; Oljas Abýov, «Qazaqstan-2050» jalpyulttyq qozǵalysynyń atqarýshy dırektory