Qarym-qatynastar jaıy sóz boldy

Kezdesý barysynda ekono­mı­kanyń túrli salalarynda eki­jaqty qarym-qatynasty damytý, elder arasynda strategııalyq serik­testik ornatý jáne birles­ken ınvestısııalyq jobalar­dy iske asyrý máseleleri tal­qy­landy. Qazaqstannyń Azyq-túlik qaýipsizdigi jónindegi Islam uıymyn qurý, ózara ınvestısııalardy yntalandyrý jáne qorǵaý týraly kelisim jobasy týraly, sondaı-aq «Astana» ha­lyqaralyq qarjy ortalyǵyn damytý aıasynda yntymaqtastyq týraly Qazaqstannyń bastamalaryn iske asyrý taqyryptary qozǵaldy.

M. Ál-Gargavı Astanada Is­lam Ynty­maq­tastyǵy Uıymy­nyń Ǵylym jáne tehnologııalar jó­nindegi birinshi sammıti men EKSPO-2017-ni ótkizýdiń jo­ǵary deńgeıin atap ótti jáne Qazaq­stannyń tájirıbesi Dý­baı qala­synda kelesi EKSPO ha­lyq­ara­lyq kórmesin laıyqty ótki­zý­ge septigin tıgizetinine senim bildirdi.

О́z kezeginde Baqytjan Saǵyn­taev óza­ra qarym-qatynasty da­mytýdyń oń qar­qynyn atap ótti jáne qazaqstandyq tarap ony ári qaraı nyǵaıtý men damytýǵa bar­lyq kúsh-jigerin salady dep sendirdi.