Oral qalasynda 180 páterli jáne 90 páterli qos úıdiń qurylysy aıaqtalyp, turǵyndar ıgiligine berildi. Oralda birneshe kúnnen beri toılanyp jatqan «Qala kúni» merekesi aıasynda berilgen qonystoı saltanatyna Batys Qazaqstan oblysynyń ákimi Altaı Kólginov, shahar basshysy Murat Muqaev qatysty.
Áýeli Zashaǵan kentindegi «Kóktem» shaǵyn aýdanynda 9 qabatty 180 páterli záýlim úı paıdalanýǵa berildi. Az jylda tanymastaı ózgerip ketken bul shaǵyn aýdanda turǵyn úı qurylysy da, jol qurylysy da qyzý júrýde. Jalpy quny 1 503,757 mln teńgege túsken bul úıdiń qurylysyn «Baıterek Development» AQ qarjylandyrǵan. «Turǵynúı-qurylysjınaqbanki» AQ salymshylaryna arnalyp turǵyzylǵan úıdiń qurylysy 2014 jyldyń jeltoqsan aıynda bastalǵan eken. Úıdiń 72 páteri – 1 bólmeli, 72 páter – 2 bólmeli jáne 36 páter – 3 bólmeli.
Qarapaıym adam úshin baspana basty baılyq ekendigi túsinikti ǵoı. Qudaıǵa shúkir, turǵyn úı qurylysy Qazaqstannyń damý strategııasynyń basty baǵyttarynyń biri bolyp tur. Elbasynyń ózi bul máseleni jalpyulttyq mánge ıe mańyzdy jumystardyń qataryna qosty. «Qala kúni» merekesi qarsańynda páter kiltine ıe bolǵan júzdegen adam shyn máninde «Oral qalasynyń turǵynymyn!» dep aýyz toltyryp aıtatyn boldy.
Shyny kerek, «Nurly jol» jáne «О́ńirlerdi damytý-2020» baǵdarlamalary, ınfraqurylymdy damytý memlekettik baǵdarlamasy, sonymen qatar memleket-jekemenshik áriptestigi aıasynda oblysta talaı jumys atqarylyp jatyr.
Bir ǵana qurylys salasynda atqarylǵan jumystardyń kólemi bıyl 6 paıyzǵa artqanyn óńir basshysy Altaı Kólginov jaqynda ǵana depýtattar aldynda esep bergen kezinde atap aıtqan bolatyn. Qazirdiń ózinde jospardaǵy 280 myń sharshy metr turǵyn úı alańynyń deni paıdalanýǵa berilgen. Onyń 71 paıyzy jekemenshiktiń óz kúshimen atqarylyp jatyr. Oǵan qosa, «Nurly jer» baǵdarlamasy aıasynda óńirde 78 myń sharshy metr jańa úı salynýda. Jalpy sany 1 465 páterli kóp qabatty 10 úıdiń qurylysy júrýde. Qurylys tek qalada emes, aýyldyq jerde de qarqyndy. Aýdandarda 249 páterge arnalǵan 183 turǵyn úı salynyp jatyr. Osynyń bárin eseptesek, 2017 jyly ǵana 1 600 batysqazaqstandyq otbasy óz baspanasyna ıe bolady eken!
Aldaǵy qurylystardyń da qamy jasalyp, 115 shaqyrymdyq ınjenerlik-kommýnıkasııalyq ınfraqurylym jelileri salynýda.
Osy joly tusaýy kesilgen ekinshi úı – Oral qalasynyń Depovskoı kóshesinde memleket-jekemenshik əriptestigi aıasynda salynǵan 90 pəterli úı bolatyn.
Qurylysy 2015 jyly bastalǵan 9 qabatty úıdi «Bolashaq-T» JShS jeke ınvestısııasy esebinen 683, 478 teńge qarjyǵa saldy. Onyń ishindegi 1 bólmeli 16 pəter baspanasy apatty dep tanylǵan turǵyndarǵa esh aqysyz berildi. Mundaı joba oblysta tuńǵysh júzege asyp jatqanyn oblys əkimi Altaı Kólginov qonystoıǵa arnalǵan shara barysynda atap ótti.
Jańa ǵana Zashaǵan kentinde 9 qabatty úıde ornalasqan 180 pəterdiń kiltin ıelerine tapsyrdyq. «Nurly jer» baǵdarlamasy aýqymynda bıyl Oralda 1 600 pəter beriledi. Aýdandarda da úıler salynyp jatyr. Kelesi jyly «Nurly jer» baǵdarlamasy aıasynda 2 700 pəter salýdy josparlap otyrmyz. Elbasymyzdyń baspanaǵa muqtaj adamdarǵa qamqorlyǵy aıqyn sezilýde. Oblys ortalyǵynda 40-tyń ústinde apatty úı bar. Osy məseleni birtindep sheshýdemiz. Mine, Depovskoı kóshesinde apatty úıler ornyna jańa úı salyndy. Abattandyrý jergilikti bıýdjet esebinen júrgizildi. Memleket-jekemenshik əriptestigi aıasyndaǵy mundaı joba óńirimizde tuńǵysh júzege asýda, dedi óńir basshysy.
Shara kezinde oblys ákimi Altaı Kólginov pen Oral qalasynyń ákimi Murat Muqaev pəter kiltterin turǵyndarǵa tabystady. «Bolashaq-T» JShS dırektorynyń mindetin atqarýshy Asqar Qoshanovtyń sózinshe, qalǵan 74 pəter «Turǵynúıqurylysjınaqbanki» AQ salymshylary men ınvestorǵa pəterdiń kelisimdi qunyn bólip tóleýge kelisken turǵyndarǵa beriledi.
Aıta ketý kerek, Altaı Kólginov apatty úılerdiń ornyna jańa úı turǵyzyp, qala ortalyǵyn jańartý máselesin kópten kóterip keledi. Bul jumys memleket pen jeke kásipkerlerdiń áriptestigi nátıjesinde atqarylýy tıis. Bul bastamadan eki jaq ta utady – apatty úı turǵyndary jańa páterge ıe bolsa, qalanyń ortalyǵyndaǵy kóne úılerdiń ornyna zamanaýı jańa ǵımarattar turǵyzylyp, sáni kire túsedi. Oblys boıynsha apat jaǵdaıynda turǵan 243 úı bar eken. Onyń 43-i Oral qalasynda ornalasqan. Búginde osyndaı 7 úı buzylyp alynyp, onyń ornyna kóp qabatty 4 úı qurylysy júrip jatyr. О́ńir basshysynyń málimdeýinshe, bul baǵyttaǵy jumystar odan ári jalǵasatyn bolady.
Qazbek QUTTYMURATULY, «Egemen Qazaqstan»
Sýretterdi túsirgen
Aıbatyr NURASh