Búgin Úkimet otyrysynda Ulttyq ekonomıka mınıstri Tımýr Súleımenov jańa salyq kodeksiniń jobasyn tanystyrdy.
«Eger salyq tóleýshi salyq organynyń túsindirýine sáıkes áreket etken bolsa, aıyppul men ósimpuldy qoldanbaý usynylady. Ústeme tólemniń dáleldiligine talap kúsheıtiledi. Endi salyqtyq tekserýdiń aktisinde sáıkesinshe dálelder bolýy tıis», deıdi Tımýr Súleımenov.
Mınıstr óz sózinde bızneske zańnamadaǵy ózgeristerdi túsindirýge kóbirek ýaqyt beriletinin jetkizdi. Onyń aıtýynsha, Salyq kodeksiniń qurylymy ózgertilip, árbir bólim derbestendirilmek.
«Shaǵyn jáne orta bıznesti damytý úshin qoldanystaǵy arnaıy salyqtyq rejimderdi saqtaý qarastyrylǵan. Jańa balamaly tártip usynylady. Bul aınalymy úlken, biraq az paıda tabatyndar úshin tıimdi bolmaq. Ol óz túsiminiń jartysyn rastaýsyz shegerýi múmkin. Al eger shyǵyndarynyń esebin júrgizse, oǵan bul úshin syıaqy alady. Salyq tóleýshilerge rejimdi tańdaýǵa múmkindik beriledi. Jumys toby úılesimdi jańa qujaty ázirleýge qol jetkizdi dep oılaımyn. О́zgerister daýlardy azaıtyp, tekserýlerdi shekteıdi dep esepteımin. Jańa ózgerister ınvestısııa tartyp, elimizdegi shıkizatty ıgerýge serpin beredi», dedi Tımýr Súleımenov.