Búgin QR Premer-Mınıstri Baqytjan Saǵyntaevtyń tóraǵalyǵymen ótken QR Úkimeti otyrysynda 2017 jylǵy astyq jınaý jumystaryn júrgizý barysy qaraldy. Bul týraly primeminister.kz habarlady.
Aýyl sharýashylyǵy birinshi vıse-mınıstri Qaırat Aıtýǵanov qazirgi ýaqytta barlyq óńirlerde astyq jınaý jumystary júrgizilip jatqanyn baıandady. 12 qyrkúıektegi jaǵdaı boıynsha 11,6 mln ga astyq jınaldy, ortasha 12,6 s/ga túsimdilikpen 14,7 mln tonna astyq bastyryldy. Astyq jınaý qarqyndary ótken jyldyń deńgeıinen 2,5 mln ga nemese 16% artyq.
Jalpy Qazaqstan boıynsha dándi daqyldar alqaptarynyń 76,7% jınaldy. Negizgi egin egetin óńirlerde: Aqmola oblysynda — 3,5 mln tonna, Soltústik Qazaqstan oblysynda — 3,3 mln tonna, Qostanaı oblysynda — 3,8 mln tonna astyq jınaldy.
Ońtústik Qazaqstan, Jambyl jáne Batys Qazaqstan oblystarynda masaqty dándi daqyldardy jınaý aıaqtaldy, 1,4 mln tonna jınaldy, bul ótken jyldyń deńgeıinen 3,5% artyq.
Arpa jınaý aıaqtalyp qaldy – búgingi tańda 1,8 mln ga nemese alqaptardyń 86%, 2,7 mln tonna jınaldy. Maıly daqyldar boıynsha astyq jınaý alqaptarynyń shamamen 24% jınaldy, bul ótken jyldyń deńgeıinen 10% artyq, 1,2 mln tonna bastyryldy. Almaty, Jambyl jáne Ońtústik Qazaqstan oblystarynda kókónis-baqsha daqyldaryn jınaý jalǵasýda, 76% jınaldy, 3,1 mln tonna kókónis-baqsha daqyldary jınaldy, bul ótken jyldyń sáıkes deńgeıinen 13% artyq.
Astyq jınaý jumystaryn uıymdastyrylǵan túrde júrgizý úshin óńirler arzandatylǵan dızel otynynyń qajetti kólemimen qamtamasyz etilgen. Barlyq qabyldaý pýnktteri jańa túsim astyǵyn qabyldaýǵa daıyn.
Sondaı-aq, aǵymdaǵy jyly astyq qoımalarynyń reıtıngin anyqtaý jáne taǵaıyndaý ádistemesi engizildi. Bıyldan bastap Azyq-túlik korporasııasy senimsiz reıtıngke ıe astyq qabyldaý kásiporyndarymen jumys jasaýdy doǵarady.
Budan ózge, astyq sapasyn arttyrý úshin aǵymdaǵy jyly tuqym sharýashylyǵyn qoldaý jáne mıneraldy tyńaıtqyshtardy qoldaný boıynsha qajetti sharalar qabyldandy. Sonyń arqasynda 3-shi synypty astyq úlesi 76% quraıdy, al ótken jyly bul kórsetkish 44% qurady, 25 jáne odan joǵary jelimshemen — 47%, ótken jyly bul mán 9% qurady.
Osylaısha, býnkerlik salmaqtaǵy jalpy egin jınaý 19,5 mln tonnany quraıdy. Al negizgi egin egetin úsh óńir boıynsha shamamen 15 mln tonna jınaý josparlanǵan. Kútiletin sapany eskere otyryp, atalǵan kólemder astyqtyń eksporttyq áleýetin 8 mln tonnaǵa deıin jetkizýge múmkindik beredi.
Sondaı-aq, óńirlerdegi astyq jınaý naýqanynyń aǵymdaǵy jaǵdaıy týraly Aqmola oblysynyń ákimi Málik Myrzalın, Soltústik Qazaqstan oblysynyń ákimi Qumar Aqsaqalov, Qostanaı oblysy ákiminiń birinshi orynbasary Gaýez Nurmuhambetov baıandady.