Búgin Úkimet otyrysynyń qorytyndysy boıynsha baspasóz konferensııasy aıasynda ulttyq ekonomıka mınıstri Tımýr Súleımenov «Ekspo-2017» aıaqtalýyna baılanysty azyq-túlik baǵasynyń kúrt kóterilýine qatysty sybysqa túsinikteme jasady.
«Rasymdy aıtsam, bul másele ylǵı kóteriledi. «Ekspo» bastalǵanda kórmeni ótkizý kezinde azyq-túlik qymbattamaı ma degen suraq qoıatyn. О́zderińiz de túsinesizder, úı mańyndaǵy dúkenderde, kóterme jáne bólshek saýdadaǵy baǵalardy ustap turý múmkin emes. Biz de, ákimdikter de munymen aınalysqan joqpyz. Bul - naryq», — dedi mınıstr.
Tımýr Súleımenov jýrnalısterge mundaı aqparatqa nazar aýdarmaýǵa keńes berdi. Onyń aıtýynsha, azyq-túlik sebetine kiretin azyq-túlik baǵalary tómendetildi.
«Segiz aıdyń qorytyndysy boıynsha azyq-túlik tiziminiń basym bóligi boıynsha 0,9% deflıasııa baıqalýda. О́zderińiz de bilesizder, segiz aıda bizde ınflıasııa qalyptasty — 7%. Azyq-túliktik emes taýarlar men qyzmet kórsetýler esebinen ósim 0,1% boldy. Birqatar taýarlarǵa baǵa qymbattady, biraq eger azyq-túlik sebetin alatyn bolsaq, baǵa tómendedi», — dep atap ótti T. Súleımenov.
Onyń aıtýynsha, atalǵan dınamıka keminde bir aı jalǵasady. Sondaı-aq, T. Súleımenov nan baǵasy sáıkes organdardyń erekshe baqylaýynda ekenin aıtty.