Qazaqstan Koreı Halyq Demokratııalyq Respýblıkasy boıynsha Birikken Ulttar Uıymy Qaýipsizdik Keńesiniń jańa rezolıýsııasyn quptady. Rezolıýsııa 11 qyrkúıekte Qazaqstandy qosa BUU QK-niń barlyq múshelerimen KHDR-dyń 3 qyrkúıekte ótkizilgen altynshy jáne eń qýatty ıadrolyq synaqqa jaýap retinde biraýyzdan qabyldandy.
«Biz KHDR Qaýipsizdik Keńesiniń sheshimderin túbegeıli buza otyryp, elimizge jáne onyń basshylyǵyna eleýli saldarǵa ákeletinin ókinishpen atap ótemiz», - dep málimdedi Qazaqstannyń BUU janyndaǵy Turaqty ókili Qaırat Omarov. Ol Phenıannyń jahandyq úndeýdi estip, estilik pen dıalog jolyn tańdaıtynyna úmit bildirdi.
«Jetildirilgen ballıstıkalyq zymyrandardy ushyrý serııasynan keıin KHDR ǵalamshardy óziniń sumdyq ıadrolyq synaqtarymen solqyldatty. Soltústik Koreıanyń jaýapsyz saıasaty ıadrolyq qarýdy taratpaý jónindegi jahandyq úderiske kesirin tıgizip, ǵalamshardyń ıadrolyq qarýsyz bolashaǵyn qamtamasyz etý boıynsha ujymdyq úlesterge nuqstan keltiredi»,- dep atap ótildi málimdemede. Qazaqstan ıadrolyq synaqtardyń saldarynan shyndap zardap shekken el retinde osyndaı óreskel áreketterge qarsylyǵyn bildirip, HHI ǵasyrda ıadrolyq synaqtar úshin oryn bolmaýy tıis ekenindigine óziniń berik senimin bildiredi. О́ziniń túbegeıli ustanymyna súıene otyryp, álem Soltústik Koreıanyń ıadrolyq baǵdarlamasyn qabyldamaıtynyn Phenıanǵa esine túsiredi degen úmitte, Qazaqstan jańa qararǵa qoldaý kórsetti.
2375 (2017) Qarar Soltústik koreıalyq toqyma buıymdaryn satyp alýǵa, oǵan gaz kondensatyn satýǵa tolyq tyıym salady, sondaı-aq Soltústik Koreıanyń porttaryna kiretin jáne porttardan shyǵatyn júk kemelerin tekserýdi kózdeıdi. Budan basqa, sanksııalar týraly qujat KHDR-ǵa munaı ónimderin jetkizýge shekteý qoıdy – osy jyldyń aıaǵyna deıin 500 myń barrelden jáne 2018 jyldyń qańtarynan bastap jylyna 2 mln. barrelden aspaýy tıis. Burynǵy sanksııalarmen birge qabyldanǵan sharalar dál qazir Soltústik Koreıanyń eksportyn 90%-ke deıin tómendetýge baǵyttalǵan jáne óziniń ıadrolyq baǵdarlamasyn damytýdy jalǵastyrý úshin eldiń qarjy múmkindikterin shyndap shekteıdi.
Qaýipsizdik Keńesiniń músheleri sanksııalardy kúsheıtýmen qatar, Koreı túbegindegi beıbitshilik pen turaqtylyqty saqtaýdyń mańyzdylyǵyn rastap, jaǵdaıdy beıbit jáne jan-jaqty retteýdiń saıası jáne dıplomatııalyq ádisterine beıildiligin bildirdi.
Iаdrolyq qarýdan azat álemge qol jetkizý – bıylǵy qańtar aıynda Qazaqstan Prezıdenti Nursultan Nazarbaevtyń BUU Qaýipsizdik Keńesine saıası úndeýinde jarııalanǵan birinshi basymdyq bolyp tabylady. «Sonymen qatar, bul turǵyda osy másele boıynsha kópjaqty kelissózder úderisin dereý qalpyna keltirýin qoldap, Koreı túbegindegi ıadrolyq qarý máselesin jedel jáne syndarly sheshýdi Qazaqstan Respýblıkasy mańyzdy mindet dep sanaıdy. Eń durysy – Qazaqstan BUU-ǵa múshe-memleketterdiń barlyǵyn, ásirese Qaýipsizdik Keńesiniń turaqty múshelerin, 2045 jyly BUU-nyń 100-jyldyǵyna deıin álemdi ıadrolyq qarýdan aryltýǵa shaqyrady»,- dep Memleket basshysynyń qańtardaǵy úndeýinde atap ótilgen edi.