Ońtústik Qazaqstan oblysynda túrkııalyq ınvestorlarmen quny 12 mln AQSh dollary bolatyn eki joba júzege aspaq.
Mundaı kelisimge túrik bıznes–qurylymdarynyń jetekshileri bastaǵan delegasııanyń Astana qalasyna jasaǵan jumys sapary kezinde qol jetkizilip otyr.
Qazaqstanǵa jasaǵan sapary kezinde elordamyz - Astanada «Ońtústik» ındýstrıaldy aımaqtardyń basqarýshy kompanııasy men túrkııalyq bıznesmender arasynda quny 12 mln AQSh dollary bolatyn ınvestısııalyq eki qujatqa qol qoıyldy.
Kúngeıdegi qazaq-túrik ındýstrıaldy aımaǵynda osy jyly iske asyrylatyn jobanyń biri - qorǵasyn konsentratyn óndiretin túrkııalyq Merkez Asia Madencilik kompanııasynyń zaýyty (quny 2 mln AQSh dollary) bolsa, ekinshisi - quny 10 mln. AQSh dollary bolatyn Petronet Otomosyon kompanııasynyń janar-jaǵarmaı taratý kolonkalaryn shyǵaratyn zaýyty.
Búginde aýmaǵy 50 gektardy alyp jatqan «Qazaq-túrik» ındýstrıaldy aımaǵynda jalpy quny 37,5 mln AQSh dollaryn quraıtyn 8 joba júzege asyrylýda. Atalǵan jobalar iske qosylǵanda jańa 900 jumys orny qurylady dep josparlanýda.
Aıta keteıik, jyl sońyna deıin atalǵan ındýstıaldy aımaqta «Gold Aluminum» JShS-niń PVH profılderi men PVH jáne alıýmınııden jasalǵan móldir konstrýksııalardy óndiretin shaǵyn sehy iske qosylady.
Eske salsaq, 9 qyrkúıek kúni Qazaqstan Respýblıkasynyń Premer-Mınıstri Baqytjan Saǵyntaevtyń Túrkııanyń bıznes qurylymdarynyń ókilderimen kezdesýi ótken bolatyn.