Astanada Elbasy Nursultan Nazarbaevtyń qatysýymen sıfrlandyrý máseleleri jónindegi respýblıkalyq keńes jumysy bastaldy.
Memleket basshysyna «Sıfrlyq Qazaqstan» memlekettik baǵdarlamasynyń jobasy tanystyrylyp, memlekettik organdardyń, otandyq kompanııalar men uıymdardyń 30-dan astam AT-jobalary usynyldy. Memleket basshysy sıfrlyq ındýstrııany damytý akrqyly ózge salalarǵa serpin beretindigin jetkizdi.
«Básekelestikte basym túspesek artta alyp, alda kele jatqan memleketterdiń shańyn jutatyn bolamyz. Kúrt ósim, tabys, ónimdilik pen kapıtaldandyrý - mine is osynda jatyr. Sıfrlyq ekonomıkanyń bereri de osy», - dedi Qazaqstan Prezıdenti.
Sonymen birge, el prezıdenti Qazaqstan Úkimetiniń jýyrda jańa quramy taǵaıyndalǵanyn, olardyń deni jastar ekendigin aıtty.
«Ortasha jastary 40 pen 45 jas aralyǵynda. Eń jasy 36-da. Eń úlkeni 50 jasta. Olardyń barlyǵy batystyń beldi ýnıversıtetterinde bilim alǵan. Mine, barlyqtaryńyzdyń qoldaryńyzǵa karta berilip otyr. Oqyǵan azamattar otandary úshin qandaı úlken problemany sheshetindikterin bilýi qajet», - dedi Memleket basshysy.
Sharany Aqparat jáne kommýnıkasııalar mınıstrligi men «Zerde» ulttyq ınfokommýnıkasııa holdıngi» AQ birlesip ótkizip jatyr.
Aıa О́MIRTAI,
«Egemen Qazaqstan»