«Qazselden qorǵaý» MM mamandary tikushaq bortynan morena kólderiniń jaǵdaıyn baqylady. Seldiń qaýipti kezeńi 15 qyrkúıekke qaraı aıaqtalady, sondyqtan turǵyndarǵa tóngen eshqandaı qaýip joq ekendigine tolyqtaı kóz jetkizýimiz kerek, dep málimdedi vedomstvonyń shyǵysqazaqstandyq bólimshesi.
Zaısan jáne Qatonqaraǵaıdaǵy taý ústindegi kólderi tekserildi. Kendirlik jáne Sarymsaqty ózenderinde batımetrııalyq túsirilimder jasaldy. Zertteýshiler taý kólderiniń aýdany men birneshe jerlerinen tereńdigin ólshedi. Mundaı ólsheýler sýasty bederleri men sý kóleminiń boljamyn esepteý úshin jasalady. Osy málimetterdiń barlyǵyn jınaǵannan keıin ǵana zertteýshiler toby morena kólderiniń jaǵdaıyn anyqtaı alady.
Tekserýdiń bastapqy nátıjeleri boıynsha, sel qaýpi baıqalmaıdy. Aıta keteıik, Shyǵys Qazaqstan oblysynyń aýmaǵynda 146 morena kóli bar. Olarda 23 eldimekenge qaýip tóndiretin 23 sel týdyrý oshaqtary qalyptasqan. Onda shamamen jalpy sany 928 adam turatyn nemese jumys isteıtin 313 turǵyn úı, 5 qoǵamdyq maqsattaǵy jáne 5 óndiris nysandary bar.