Taý baýraıynda ornalasqandyqtan Shymkent qalasy seısmıkalyq belsendi aımaqqa jatady. Sol sebepti Ońtústikte jattyǵý maqsatynda, shatyrly qalashyq kóterildi
Oblysta bastalǵan oqý-jattyǵýdyń aıasynda Ońtústik Qazaqstan oblysynyń ákimi Janseıit Túımebaevtyń tóraǵalyǵymen arnaıy jıyn ótti. Sharaǵa Qazaqstan Respýblıkasynyń ortalyq atqarýshy organdarynyń, Ulttyq ulan Bas qolbasshylyǵynyń ókilderi men jedel top músheleri qatysty.
Shatyrly qalashyqtyń qurylymyna qala ákimshiligi, qabyldaý pýnkti, tirkeý orny, aqparat pen baılanys pýnkti jáne poshta-telegraf kiredi. Bul qalashyqtyń ákimdigi jergilikti atqarýshy organdardyń laýazymdy tulǵalarynan quralatyn bolady. Shatyrly qalashyqta turǵyndar sýyq mezgilde turǵyn orynmen, taǵammen, sýmen, jyly kıimmen qamtamasyz etiledi. Sonymen qosa, medısınalyq, qoǵamdyq tártipti qorǵaý, órtke qarsy kólik quraldarymen qamtamasyz etiledi.
Baqtııar TAIJAN,
«Egemen Qazaqstan».
Ońtústik Qazaqstan oblysy.