Oblystyq bilim berý basqarmasynyń habaryna qaraǵanda mektep oqýshylary arasynda ótken bul shara «Rýhanı jańǵyrý» maqalasynda aıtylǵan ulttyq kod, bizdiń ótkenimizdi qalpyna keltirý, tarıhqa úńilý sekildi oılar sheńberinde ótkizilipti. Toǵyzqumalaq – ata-babadan qalǵan asyl mura.
Asyl murany urpaqqa jetkizý –paryz. Fleshmobqa búkil aýyl, aýdan, qala mektepteriniń oqýshylary qatysty. Qazir óńirde 4600 oqýshy qatysatyn 316 toǵyzqumalaq oıynynyń seksııalary jumys jasaýda.
Jalpy, oblys toǵyzqumalaqshylary elimizdiń komandalyq chempıonatynyń 4 dúrkin chempıony bolsa, el Kýbogyn 5 ret utyp alǵany da belgili. Tipti, Ulttyq qurama sapynda oınaıtyndardyń basym kópshiligi - pavlodarlyq toǵyzqumalaqshylar. Fleshmobqa qatysýshy oqýshylar Toǵyzqumalaq adamdy sabyrlyqqa jeteleıdi, aqyl-oıdy keńeıtedi. Ol bolashaqtyń zııatkerlik oıyny deıdi. Oblys ortalyǵyndaǵy №26 mekteptiń oqýshysy, nemis qyzy Anastasııa Foos, kadet korpýsynda bilim alatyn Mádı Búgjanov, Abaı atyndaǵy №10 mekteptiń oqýshysy Aıym Kashkenova, №42 mekteptiń oqýshysy Aleksandr Rahmanenko myqty toǵyzqumalaqshy oıynshylar. Barlyǵy da El birinshiliginde oblys namysyn qorǵaıdy.
Sondyqtan, osy oıynnan ótkizilgen fleshmob ulttyq oıyndy, sportty nasıhattaý jáne oqýshylardy qyzyqtyrý maqsatynda uıymdastyrylsa, jazǵy demalys kúnderi oqýshylar asyq jınaý sharasyn ótkizipti. Aldaǵy ýaqytta oqýshylardy asyq oınaý boıynsha semınar-jattyǵýlar ótedi. Toǵyzqumalaq oıynynyń fleshmob sharasyna Baýyrjan Momyshuly atyndaǵy mektep oqýshylary da belsendi túrde qatysty. О́tken jyly shahmat kabıneti de ashylypty.Mysaly Roza Raıymbekova toǵyzqumalaqtan Qazaqstan jáne Azııa chempıony. Mektepteni toǵyzqumalaq úıirmesin Maqsut Nurahmetov basqarady.
Farıda Byqaı
«Egemen Qazaqstan»
Pavlodar