Parlament Senatynyń bıylǵy jylǵa arnalǵan Negizgi sharalar josparyna sáıkes, Halyqaralyq qatynastar, qorǵanys jáne qaýipsizdik komıtetiniń músheleri Almaty qalasy men Almaty oblysynda memlekettik shekarany qorǵaý máseleleri boıynsha kóshpeli otyrys ótkizdi, dep habarlady Senattyń baspasóz qyzmeti.
Kóshpeli otyrys aıasynda depýtattar «Qorǵas» halyqaralyq shekaralyq yntymaqtastyq ortalyǵynda bolyp, Qazaqstan jáne Qytaı bóliginiń jumysymen tanysty. Senatorlarǵa ortalyqtyń jekelegen jobalary jóninde aıtylyp, sondaı-aq ortalyq aýmaǵynda iske asyrylǵan ınvestısııalyq jobalar týraly habardar etildi.
Sondaı-aq, komıtet músheleri sapar barysynda «Shyǵys» aımaqtyq basqarmasynyń «Qorǵas» shekara zastavasynda jáne Jarkent shekara otrıadynda da boldy. Depýtattar tehnıkalyq jabdyqtalý jáne jaýyngerlik kezekshilikti uıymdastyrý barysymen, sondaı-aq jeke quramnyń turmys jaǵdaıymen jaqynnan tanysty.
Bólimshe basshysy R.Ramazanov depýtattarǵa otrıadtyń kúndelikti jaýyngerlik qyzmeti men jaýapty bóliktiń qazirgi jaǵdaıy týraly keńinen baıandady.