Astana ákimshiliginde qala ákimi Áset Isekeshevpen elordanyń áleýmettik-ekonomıkalyq damý nátıjeleri baıandalǵan Astana qalasy máslıhatynyń kezekti sessııasynyń otyrysy ótti.
– Shaǵyn jáne orta bıznesti ındýstrıalandyrý, salý, damytý boıynsha memlekettik baǵdarlamalardy iske asyrý arqasynda jyl basynan negizgi kórsetkishter boıynsha oń serpinge qol jetkizdi. EHRO 2017 Halyqaralyq mamandandyrylǵan kórmeni ótkizý ósýdiń mańyzdy faktory boldy. О́nerkásip óndirisi negizinen mashına salý jáne metallýrgııa, Indýstrıalandyrý karta jobalary esebinen 7,5%-ǵa (336,6 mlrd teńge) ósti, – dep qala basshysy málimdedi.
Indýstrıalandyrý kartasynyń baǵdarlamasyna 24 kásiporyn kirdi. Negizgi kapıtalǵa ınvestısııalar kólemin ulǵaıtýdy esepke ala otyryp ósý 505,1 mlrd teńge qurady.«Bıznes jol kartasy 2020» elorda kásipkerleri arasynda iskerlik belsendilikti ulǵaıtty. Osylaısha, jyl basynan jalpy somasy 14,7 mlrd teńge bolatyn 110 joba maquldandy. Nátıjesinde, 8 myńnan astam jumys oryndary saqtaldy jáne 5,3 myńǵa jýyq jańa jumys oryndary quryldy. Kásipkerliktiń serpindi damýy ShOB-ten bıýdjetke túsetin salyq túsimderiniń kólemine oń áser etedi.
Osy jyly Indýstrıaldy saıabaq aýmaǵynda 13 mlrd teńge somaǵa 9 jańa joba engiziledi. Sonymen birge 3 joba jumys istep jatyr, taǵy 6 – jyl sońyna deıin engiziledi.
Elordada búginde jeke jáne shetel ınvestorlarynyń qarajattaryn tartýǵa erekshe kóńil aýdarady. Jumysta jalpy somasy 3 mln dollarǵa 60 joba jumysta tabylady, olardyń 26-sy – Japonııadan, AQSh-tan, Túrkııadan jáne Eýropadan kelgen shetel ınvestorlary men TUK-dyń qatysýymen. Bul jobalar ekonomıkanyń tek dástúrli sektoryn ǵana emes, sonymen birge, developmentti, bilim berýdi, densaýlyq saqtaý men aqparattyq tehnologııalar salasyn qamtıdy.