23-24 qyrkúıek Astanada Qaraǵandy jáne Qyzylorda oblystarynyń aýylsharýashylyq jármeńkesi ótedi. Bul týraly Astana qalasy aýylsharýashylyq basqarmasynyń basshysy Ardaq Dosanov habarlady.
Onyń sózinshe, 8 aı ishinde Astanada 50-ge jýyq jármeńke ótken. Keıbir aımaqtar birneshe ret jármeńke uıymdastyrǵan.
- Jármeńkelerde biz 8 mln teńgeniń 25 myń tonnadan astam ónimin ótkizdik. 23-24 qyrkúıek Qaraǵandy men Qyzylorda oblystarynyń birlesken jármeńkesin uıymdastyrý josparlanýda. Onda 500 tonna ónim saýdalanady, - dedi Dosanov myrza.
Esterińizge sala keteıik, jármeńke Q.Muńaıtpasov kóshesindegi «Qazaqstan» sport kesheni aýmaǵynda ótedi. Elordaǵa jyl basynan beri dıstrıbıýtorlik arnalar arqyly 80 myń tonna azyq-túlik jetkizilgen. Bul ótken jylmen salystyrǵanda 25-30%-ǵa kóp. Mundaı sharalardyń barlyǵy baǵany baqylaýǵa jáne barlyq taýar toptary boıynsha ósim bolǵan jaǵdaıda da ónimderdiń jetispeýshiligin, jyldam qymbattaýyn boldyrmady.