Keshe Qaraǵandyda «Beıbitshilik pen jasampazdyqtyń 20 jyly. Qazaqstannyń memlekettik etnosaıasaty: jańa baǵyttar» taqyrybynda eki kúndik semınar-praktıkým óz jumysyn ashty. Qazaqstan halqy Assambleıasy men Qazaqstan Prezıdenti janyndaǵy Memlekettik basqarý akademııasynyń arasynda qol qoıylǵan Áriptestik týraly memorandým sheńberinde memlekettik qyzmetshiler men etnomádenı birlestikter basshylaryn oqytý, daıarlaý jáne biliktiligin arttyrý jónindegi atalǵan birlesken joba boıynsha Aqtóbe, Almaty oblystarynda, Astana qalasynda 160 memlekettik qyzmetshi men aımaqtardaǵy etnomádenı birlestikterdiń 100 basshysy oqytý kýrstarynan ótse, bul shara sonyń jalǵasy boldy.
Semınar jumysyn Qazaqstan halqy Assambleıasy Tóraǵasynyń orynbasary, QHA Hatshylyǵynyń meńgerýshisi Eraly Toǵjanov ashyp, Assambleıanyń, Memlekettik basqarý akademııasynyń ǵylymı-sarapshylyq qaýymdastyǵynyń teorııalyq jáne qoldanbaly áleýetin paıdalana otyryp, jergilikti jerlerde saıası menedjmenttiń qazirgi zamanǵy tehnologııalary men ádistemelerin meńgerýdiń mańyzdylyǵyn atap ótti.
Semınarǵa qatysýshylar aldynda ǵylym doktorlary J.Júnisova, N.Kalashnıkova, taǵy basqa ǵalymdar etnosaralyq qatynastardy jetildirý, etnosaralyq tózimdilik pen qoǵamdyq kelisimniń qazaqstandyq úlgisiniń basty negizderin nyǵaıtý joldaryna arnalǵan baıandamalar jasady.
Semınar búgin óz jumysyn jalǵastyrady.
Aıqyn NESIPBAI,
Qaraǵandy.