Astanada zamanaýı kóp­etnosty memleket týraly halyq­ara­lyq forým ótti

Jıyndy ashyp bergen Qazaq­stan halqy Assambleıasy Tór­aǵasynyń orynbasary – hatshy­lyq meńgerýshisi Darhan Myńbaı jetken jetistikterimiz elimizdegi tynyshtyq pen turaqtylyqtyń arqasynda ekenin atap kórsetti. Onyń aıtýynsha, osy baǵytta Elbasy N.Nazarbaevtyń atqarǵan eńbegi zor.  «Qazaqstan ekonomıkalyq já­ne saıası turǵydan tabysty saıa­­sat júrgizip, rýhanı jań­ǵy­rý­­ǵa qadam basty. Taıaýda tórt­­­­kúl dúnıeni dúbirletip, EKSPO-2017 halyq­aralyq kór­me­­sin abyroımen ótkiz­dik. Álem kózin tikken shara tabys­ty bol­dy. Elbasy da, halyq ta kór­meni jo­ǵary ba­ǵalady. Búgingi forým sol jıynn­yń jalǵasy ispetti», – dedi D. Myńbaı. 

QHA Tóraǵasy orynbasary­nyń paıymdaýynsha, birligi jaras­qan kóp etnosty eldi daý da, jaý da jeńe almaıdy. Bul te­zı­s­ti egemendik alǵaly jer ja­han­­ǵa dáleldep júrgenimizdi aıt­­­qan D.Myńbaı Elbasy N.Nazarbaevtyń táýelsizdiktiń eń basty tiregi – beıbitshilik pen kelisim, tynyshtyq pen tu­­raq­­­­ty­lyq ekenin atap ótk­eni­ne toq­taldy. Onyń aıtýyn­sha, Elba­sy N.Nazarbaev Assamb­leıa­ny qasıetti tirektiń myzǵymas tuǵyry dep balaǵan.  Forým barysynda D.Myńbaı sharanyń taqyrybyn qazir­gi zamannyń ózi ázirlep berge­nin jetkizdi. QHA Tóraǵasy orynbasarynyń aıtýynsha, álem elderi kóp ultty halyqty bas­qarý jóninde jıi tolǵanady. Osy oraı­da, D.Myńbaı Qazaqstanda kóp et­nos­tyń tatý-tátti ǵumyr ke­ship, shet elderge úlgi bola­ty­nyn málimdedi.

«Qoǵamdyq pikir men etnos­aralyq kelisim jónindegi bizdiń tájirıbemizdi kóp memleketter paıdalansa, álemde beıbitshi­lik or­naı­tynyna senimdimin. Ony shıe­leniske toly kez kelgen óńirde paıdalanýǵa bolady. BUU, Eýro­padaǵy qaýipsizdik jáne ynty­maq­tastyq uıymy, Eýro­pa odaǵy qo­ǵamdyq pikir men et­nos­aralyq keli­sim jónindegi qa­zaq­standyq úl­gini joǵary baǵalady», – degen D.Myńbaı Qazaqstannyń mundaı je­tis­tikke jetýi Elbasynyń eren eń­be­giniń arqasy ekenine toqtaldy.

Sondaı-aq, D.Myńbaı etnos­tardyń tilin damytý jolynda Qazaq­stan tarapy atqaryp jatqan ister­di sarapshylardyń joǵary ba­ǵa­laǵanyn jetkizdi. Onyń pi­ki­rinshe, sany az etnostardyń óz tili men mádenıetin damytýda elimizde jaqsy jaǵdaı jasalǵan. 

Sharada sóz sóılegen Qazaq­stan strategııalyq zertteýler ınstıtýtynyń dırektory Zare­ma Sháýkenova Elbasynyń «Bola­shaqqa baǵdar: rýhanı jańǵyrý» atty baǵdarlamalyq maqala­­sy el damýyna negiz bolatynyn sóz etti.

«Damyǵan elderdiń bári halyq­tyń rýhanı kózqarasyn jańartý ar­qyly jetistikke jetti. Rýhanı jań­ǵyrýdyń negizgi kózi bilim sala­syna ózgeris­ter engizý ekeni bel­gili. Keńes Oda­ǵy tusyndaǵy bilim júıesi álem­degi ozyq úlgi­ler­diń biri bol­ǵany aıtylady. Biz sonyń basymdyqtaryn ózimiz­ge saqtap qaldyq», – dedi Z.Sháýkenova. 

Jıynǵa alys-jaqyn shet el­­derden, Qytaıdan, Reseı­den, Qyrǵyzstan men Belarýs el­deri­nen sarapshylar, halyq­ara­lyq qatynas salasynyń maman­dary qatysty. Olar etnos­ara­lyq kelisim men tatýlyqty qa­lyp­tastyrýda Qazaqstannyń eńbegin joǵary baǵalady. Sony­­men qatar, sarapshylar etnos­­tar tatýlyǵy jónindegi óz kóz­­qaras­taryn ortaǵa saldy. Forým­da azamattyq biregeılikti qa­lyp­­tas­tyrýdy mádenı jáne fılo­­so­fııalyq turǵyda túsiný táji­rı­besin, qoǵamdyq kelisim men jal­py­ulttyq birliktiń qazaqstandyq mo­deliniń ornyn jáne onyń qazir­gi ýaqytta ulǵaıyp kele jat­qan qaýip-qaterdegi rólin, Qazaq­stan halqy Assambleıasy ıns­tı­týtynyń qoǵamdyq sana­ny jań­ǵyrtýdaǵy mańyzyn ashyq kór­setý máseleleri qarastyryldy. 

Jıynda kórshiles elder­diń áriptestigi, sananyń ashyq­tyǵy men ulttyq biregeıliktiń tıimdi túıindesýi, ulttyq bire­geı­likti taldaý máseleleri sóz boldy. Forým jumysynyń qory­tyndysy boıynsha Qazaqstanda da, álemde de mádenı ártúrlilik pen mádenıetaralyq dıalogty saqtaý jáne keńeıtý boıynsha usynystar tujyrymdaldy.

Abaı ASANKELDIULY, «Egemen Qazaqstan»