Astanada «Qazaqstannyń 100 jańa esimi» jobasy boıynsha jumys jáne sarapshylar tobynyń kezekti otyrysy ótti. Otyrysqa aqparat jáne kommýnıkasııalar mınıstri Dáýren Abaev, Qazaqstan halqy assambleıasynyń tóraǵasy Darhan Myńbaı jáne joba uıymdastyrýshylary, qoǵam belsendileri qatysty.
– Elbasy usynǵan «Rýhanı jańǵyrý» baǵdarlamasynyń aıasyndaǵy bul joba - ónerimen, bilimimen, qoǵamǵa sińirgen eńbegimen, erekshe qasıetimen daralanǵan talantty azamattarymyzǵa úlken múmkindik usynyp otyr. Osyǵan saı, jańa esimderdi anyqtaýda jurtshylyq ta joǵary belsendilik tanytýda,– dedi Dáýren Abaev.
О́zderińizge málim, bıyl 7 maýsymnan bastap 15 qyrkúıekke deıin elimizdiń túkpir-túkpirinen jobaǵa qatysýshylardan ótinishter qabyldandy. Osy ýaqyt ishinde El.kz portalynda eki myń eki júz on eki kandıdat tirkeldi. Qazirgi kúni olardy irikteý jumystary júrgizilip jatyr.
– Sonymen qatar, qatysýshylardy irikteýden bólek olardyń tabystarynyń tarıhyn aqparat quraldarynda jan-jaqty kórsete bilý de asa mańyzdy,– degen mınıstr mundaı qadam sharanyń tárbıelik ári ıdeologııalyq turǵydan nátıjeli bolatyndyǵyn atap ótti.
Aqparat jáne kommýnıkasııalar mınıstrligi men Qazaqstan halqy Assambleıasy bul baǵytty iske asyrý boıynsha da júıeli sharalardy qolǵa alýda. Solardyń ishinen «Astana» telearnasy túsirgen fılm úzindisi kópshilik nazaryna usynyldy.
Aıa О́mirtaı,
«Egemen Qazaqstan»