Tanymal kompozıtor Qaırat Baekenov «Astana» fýtbol klýbyna tartý jasady.
Komandanyń eýrokýboktaǵy jetistikterine rıza bolǵan kompozıtor arnaıy án jazdy. Onyń týyndysyn estrada juldyzdary Lýına men Nurjan Kermenbaev oryndady. Aıta keterligi qos ánshi de ózderin «Astananyń» jankúıeri sanaıdy.
«Birge» dep atalatyn án keshe «Astana» men «Slavııa» arasyndaǵy oıynda birinshi taımnan keıingi úziliste alǵash ret shyrqaldy. Jańa týyndyny jankúıer qaýym jyly qabyldady.
Nurjan Kermenbaev pen Lýınanyń oryndaýyndaǵy án «Astananyń» ánuranyna aınalýy ázirge belgisiz.