Shyǵys Qazaqstanda kún energııasyn paıdalaný jolǵa qoıylady. О́ńir basshysy Danıal Ahmetov pen Ispanııanyń ARESOL kompanııasynyń atqarýshy dırektory Dıego Lýazes oblysta kún elektr stansasyn qurý máselelerin talqylady, dep habarlaıdy oblystyq ákimdiktiń baspasóz qyzmeti.
2018 jyldyń naýryzynda Jańǵyztóbe aýylynda qýaty 30 mVt bolatyn kún elektr stansasynyń qurylysy bastalady. Dıego Lýazestiń sózine qaraǵanda, Shyǵys Qazaqstan jaqsy kún ınstallıasııasy men «ShQ О́EK» jelilerinen energııa tartý múmkindigi joǵary bolǵandyqtan meılinshe qolaıly óńir retinde tańdalyp otyr. «Joba quny shamamen 43 mıllıon AQSh dollary. Qazir ınvestısııa tartý máseleleri qarastyrylýda. Eń aldymen, ol ARESOL kompanııasynyń ózi bolady», - deıdi kompanııa basshysy.
Oblys ákimi Danıal Ahmetov bul ıdeıaǵa qoldaý bildirip, ony júzege asyrýdyń jol kartasyn ázirleýdi surady. Aldaǵy ýaqytta joba dástúrli elektrmen qamtamasyz etý júıesimen birge balamaly energııa kózin de tutyný múmkindigin beredi. Jospar boıynsha, kún elektr stansasy shamamen 11 myń úıdi elektrmen qamtyp, atmosferaǵa shyǵarylatyn kómirqyshqyl gazyn 15 tonnaǵa azaıtady.