2017-2018 jylǵy jylytý maýsymyna energııa kózderiniń 96 %, sýmen qamtý jáne sý tartý jelileriniń 100%, jylý jelileriniń 96,9% daıyn. JES-taǵy kómir qory 356 678 tonnany, mazýt qory 5341 tonnany quraıdy, dep habarlaıdy elorda ákimdiginiń medıa ortalyǵy.
Astana qalasy ákimdiginiń málimetterinshe, búgingi tańda 5497 nysannyń 4076-nyń ortalyqtandyrylǵan jylýǵa qosylǵan. 62 mekteptiń 62-sine, 76 balalar baqshasynyń 75-sine, 21 oqý ornynyń 20-syna jylý berilgen, dep habarlandy búgin qalalyq ákimdiktiń apparat jınalysynda.
Qaladaǵy 2310 kóppáterli turǵyn úıdiń 2306-y jylýǵa qosyldy. Ákimdiktiń aqparatynsha, 4 kóppáterli úı ortalyqtandyrylǵan jylýdy qabyldaýǵa daıyn emes. Bul úıler «Saryarqa», «Esil» aýdandarynda ornalasqan. Máselen, Aqan seri 16 meken-jaıy boıynsha ornalasqan úıde 8 kollektor úzilgen. Olar montajdyq jumystar aıaqtalǵan soń iske qosylatyn bolady dep josparlanýda. Qazirgi tańda 5 bloktyń 3-ýi iske qosylǵan.
Basqa da «problemaly» turǵyn úıler boıynsha máseleler sheshilip jatyr.