Pavlodar oblysynyń jalpyrespýblıkalyq IJО́ kólemindegi úlesi 4,7 paıyzǵa qurady. Bul týraly búgin Ortalyq kommýnıkasııalar qyzmetinde ótken baspasóz máslıhatynda Pavlodar oblysynyń ákimi Bolat Baqaýov aıtty.
Pavlodar oblysynyń áleýmettik-ekonomıkalyq damýyna arnalǵan baspasóz máslıhatynda ákim bıylǵy jyldyń 8 aıyndaǵy damý qorytyndylary týraly baıandap, jýrnalıster tarapynan qoıylǵan san salaly suraqtarǵa jaýap berdi. B.Baqaýovtyń málimdeýinshe, Pavlodar oblysynyń bıylǵy ındýstrııalyq-ınnovasııalyq damýy qarqyndy. Máselen, jalpy óńirlik ónim 5,6 paıyzǵa ósken. Al oblystyń jalpyrespýblıkalyq IJО́ kólemindegi úlesi 4,7 paıyzǵa artqan. Buǵan deıin bul kórsetkish 4,4 paıyz bolǵan edi.
«Bıyl ónerkásiptiń barlyq sektorynda oń dınamıka baıqaldy. Mys konsentratyn óndiretin Bozshakól taý-ken baıytý kombınatynyń tolyq qýattylyq deńgeıine shyǵýyna baılanysty óndiris kólemi 12 paıyzǵa deıin ósti. Metallýrgııa, hımııa, munaı hımııasy jáne mashnıa jasaý kásiporyndary turaqty jumys isteýde. Elektr energııasyn óndirý kólemi 23,2 paıyzǵa ulǵaıyp, 26,3 mlrd kVt/saǵatty qurady. Ekibastuz №1 QAES-yń shınalarynan óndirilgen 3,3 mlrd Kvt/saǵat elektr energrııasy Reseı federasııasynyń kórshiles óńirlerine eksportqa shyǵaryldy. Jyldyń sońyna deıin elektr energııasy eksportynyń kólemi 6 mlrd Kvt/saǵatty quraıdy», dedi B.Baqaýov.
Dınara BITIK,
«Egemen Qazaqstan»