2017 jyldyń ekinshi toqsanynda Qazaqstan astanasyndaǵy jumyssyzdyq deńgeıi boljanǵan 4,7% emes, 4,5 % qurady dep habarlady elorda ákimdiginiń baspasóz qyzmeti.
Elorda, tipti, jumyssyzdyqtyń eń tómengi deńgeıimen kósh bastap keledi. Atalmysh kórsetkish respýblıkalyq kórsetkishten 0,4% tómen. Jastar arasyndaǵy deńgeıi (15-28 jas aralyǵyndaǵylar) 4,5 % (boljanǵan deńgeı 4,7%) jáne áıelder arasyndaǵy jumyssyzdyq 4,6% (boljanǵan deńgeı 4,9%) qurady.
Aǵymdaǵy jyldyń 8 aıynda memlekettik qoldaý sharalary 20 219 adam qamtyldy. Bul óz kezeginde 93% quraıdy.
11 536 adam jumys izdep kelse, olardyń 6 725-i jumysqa ornalastyryldy (3882- turaqty jumysqa, 223-ýaqytsha jumysqa, 695-jastar praktıkasy boıynsha, 186 – áleýmettik jumys oryndaryna jáne 1739 – qoǵamdyq jumys oryndaryna).
Astanalyq eńbek, jumyspen qamtý jáne áleýmettik qorǵaý basqarmasynyń aqparatynsha, bos jumys oryndary boıynsha málimetter bazasy kún saıyn jańaryp otyrady. Budan basqa, bos jumys oryndary boıynsha málimetter bazasyn tolyqtyrý maqsatynda jańa jumys berýshilerdi tartý boıynsha belsendi jumys júrgizilip jatyr.