Erkin eldiń erikti tańdaýy

Barsha qazaqstandyq jas­tar Elbasy Nursultan Nazarbaevtyń qun­dylyǵy zor baǵdarlamalyq maqa­la­synan úlken jiger, bolashaqqa degen senim aldy! Prezıdentimiz «synaptaı syrǵyǵan ýaqyt eshkimdi kútip turmaıdy, jańǵyrý da tarıhtyń ózi sııaqty jalǵasa beretin prosess» dep jastardy zaman talabyna saı jan-jaq­ty bolýǵa úndedi. «Bolashaqqa baǵ­dar: rýhanı jańǵyrý» maqalasy arqyly N.Á.Nazarbaev damyǵan 30 el­diń qataryna qosylý jolynda jas­tardyń qosar úlesi orasan zor mańyzǵa ıe ekendigin basa kórsetti. Ult­­tyq qundylyqtardy dáripteý ár­qa­­shan ana tildi qasterleýden bastaý ala­dy. Álemdegi ınnovasııalyq jańa­shyl­dyqtardyń barlyǵy eń aldymen latyn grafıkasynda shyǵady. Iаǵnı  bul aqparatty tehnologııalardy jetik meńgergen jastarǵa yńǵaıly tásil ekeni anyq.

 Latyn álipbıine kóshý – bizdiń táýelsiz elimizdiń erikti tańdaýy. Qazaq halqynyń ıirimi mol, qunarly tili ózgeriske de óte ıkemdi. Búgingideı qaı­­ta jańǵyrý talaby qoıylyp otyr­ǵan­da, ǵylym men tehnıkanyń kóz iles­pes jyldamdyqpen damyp bara jat­q­an kezeńinde paıda bolyp otyr­ǵan jańa termınder men ataýlar dál osy latyn tańbasyna qolaıly ekenin ańdatyp otyr. Qazirgi zamanaýı ǵylymnyń tili de latyn qarpimen tikeleı baıla­nys­ty. Aǵylshyn tiliniń ústemdigi dáý­irlep otyrǵan zamanda aqparat pen ádebıettiń tili de osy latyn bolyp otyr, jer-jahannyń hal­qy tehnıka men rýhanııattyń jańa­ly­ǵyn osy tańba arqyly túsinedi. En­deshe bý­yrqanysqa toly búgingideı jahan­da­ný úderisinen qazaq qoǵamy da syrt qala almaıdy. 24 saǵat ómiri kompıýtermen baılanysty jastardyń latyn árpin aýyrsynbaı qabyldap, qol­daıtynyna esh kúmánim joq. Jańa bıik­ke sekiris jasaǵaly turǵan bul qa­da­mnyń qazynaly tilimizdi odan ári baı­ytyp, qoldanys aıasyn keńeıte tú­setini sózsiz.

Erkebulan DAIYROV,

akter, Qazaqstan Jastar odaǵy «Serper» jastar syılyǵynyń laýreaty

Almaty