Májilis Spıkeri Nurlan Nyǵmatýlınniń tóraǵalyǵymen ótken Palatanyń Bıýro otyrysynda aldaǵy jalpy otyrystyń kún tártibiniń jobasy naqtylandy. Jalpy otyrysta halyq qalaýlylarynyń nazaryna turǵyn úı qatynastary boıynsha túzetýler birinshi oqylymda usynylmaq.
Sonymen qatar Palata otyrysynda Qazaqstan men Azııa Damý Banki arasyndaǵy Qaryz týraly kelisimge túzetýlerge qatysty kelisim-hatty ratıfıkasııalaý týraly zań jobasy talqylanatyn bolady. Bul qujat boıynsha «Jetibaı-Jańaózen» avtojolynyń qosymsha aýmaǵyn engizý kózdelip otyr. Bul Reseı jáne Túrikmenstan elderimen baılanysta Qazaqstannyń tranzıttik áleýetin arttyrýǵa múmkindik bermek.
Kún tártibiniń jobasy boıynsha Palatanyń beıindi komıtetterine menshik quqyǵyn qorǵaýdy kúsheıtý jáne tórelik máseleri, sonymen birge memlekettik fýnksııalardy básekelestik ortaǵa berý máselelerine qatysty zań jobalary boıynsha qorytyndy ázirleý merzimderin belgileý usynylady.