Astanada «Shabyt» jastar shyǵarmashylyǵy festıvaline qatysýǵa ótinimder qabyldaý bastaldy. Bıyl baıqaý qarashanyń 3-i men 7-si aralyǵynda ótedi.
Uıymdastyrý komıtetiniń sheshimimen daryndy jastar alty atalym boıynsha sheberlik baıqasady. Konkýrsanttar «Klassıkalyq mýzyka» (fortepıano, skrıpka, AVAK (alt, vıolonchel, kontrabas), akademııalyq án aıtý), «Beıneleý óneri» (músin, SQО́), «Halyq mýzykasy» (dombyramen án aıtý, halyq aspaptary ansambli, dombyra), «Sırk óneri», «Akterlik sheberlik» jáne «Úzdik ádebı shyǵarma» nomınasııalarynda baqtaryn synaıdy.
Aıta keteıik, bıyl «Úzdik ádebı shyǵarma» nomınasııasy boıynsha tek balalar men jasóspirimderge ǵana arnalǵan shyǵarmalar qabyldanady. Festıval sońynda úzdik týyndylar keń aýdıtorııa úshin ınternet-resýrstarda jarııalanady.
Úmitkerler materıaldardy Qazaqstan Respýblıkasy, Astana q., 010000, Beıbitshilik k-si, 11 meken-jaıy boıynsha Astana qalasynyń mádenıet, muraǵattar jáne qujattama basqarmasyna joldaýy kerek. Baıqaýǵa qatysýǵa ótinimdi www.shabyt.astana.kz saıtynda onlaın túrde berýge bolady. Sonymen qatar, saıtta festıvaldiń erejesi men ár nomınasııa boıynsha qatysýshyylarǵa qoıylatyn talaptar jarııalanǵan. Tolyq aqparat alý úshin +7 (7172) 556771,+7 (7172) 557409 telefondary boıynsha festıvaldiń uıymdastyrý komıtetine habarlasýǵa bolady.
О́tinimderdi qabyldaý 2017 jyldyń 20 qazanyna deıin jalǵasady.
Bıyl «Shabyt» halyqaralyq shyǵarmashyl jastar festıvali 20-shy ret ótkiziledi. «Shabyt» festıvali – óner álemindegi mańyzdy oqıǵa jáne daryndy jastar úshin úlken sahnaǵa jol ashatyn biregeı alań. Osy kúnge deıin festıvalge ónerdiń túrli janrlary boıynsha 10 myńnan astam adam qatysqan. Ár jyldary qazaqstandyq syqaqshy Tursynbek Qabatov, aqyn Qalqaman Sarın, balet artısi Áıgerim Beketaeva, opera ánshisi Aıgúl Nııazova, «Melomen» toby, Asha Mataı, ánshi ári kompozıtor Qaırat Baekenov jáne basqa da keńinen tanymal shyǵarmashylyq tulǵalar festıval Gran-prıin ıelengen.
Eske salaıyq, ótken jyly «Úzdik ádebı shyǵarma» nomınasııasy boıynsha qatysqan jas aqyn, jýrnalıst Erbol Alshynbaı festıval Gran-prıin jeńip alǵan bolatyn.