Ońtústik Qazaqstan oblysynyń ákimi J.Túımebaev Astanadaǵy memlekettik qyzmet salasyndaǵy О́ńirlik hab basqarýshy komıtetiniń tóraǵasy Á.Baımenovpen kezdesti.
Kedesý barysynda qos tarap OQO ákimdigi men Astana qalasyndaǵy Memlekettik qyzmet salasyndaǵy aımaqtyq hab arasyndaǵy yntymaqtastyq týraly memorandýmǵa qol qoıdy.
Atalǵan memorandým aıasynda memlekettik basqarý men memlekettik qyzmet júıesiniń ózekti baǵyttary kózdelgen. Máselen, Ákimdik pen Aımaqtyq hab jobalyq menedjment, memlekettik qyzmet kórsetýdiń sapasyn arttyrý, adam resýrstaryn basqarý jáne basqa da ózekti salalardaǵy bilim berý jáne ǵylymı-zertteýshilik sıpattaǵy sharalarǵa qatysa alady.
Jıynda sóz alǵan aımaq basshysy Ońtústik Qazaqstan oblysy qazirgi ýaqytta halyq sany boıynsha respýblıkada birinshi orynda ekenin jáne áleýmettik-ekonomıkalyq damýynyń turaqty ósim tendensııasy qalyptasqan óńirlerdiń biri ekenin aıtty.
«Osy óńirimizdiń odan ári turaqty órkendeýine sózsiz qomaqty úles qosatyn memlekettik qyzmetshiler bolyp tabylady. Qazirgi ýaqytta óńirimizde jergilikti atqarýshy organdarda 4573 birlik kózdelgen. Ústimizdegi jyly Memleket Basshysynyń tıisti jarlyǵyna sáıkes ákimdiktiń 3700 den asa memlekettik qyzmetshisi keshendi attestattaýdan ótkizildi. Budan basqa, osy jyly memlekettik qyzmetshilerdi oqytýǵa 53 mln 441 myń teńge bólingen bolatyn. Búgingi kúnge deıin 1254 memlekettik qyzmetshiler biliktiligin arttyryp, 490-y qaıta daıarlaýdan ótti. Sonymen qatar, bıyl 3 qyzmetshi «Bolashaq» halyqaralyq baǵdarlamasynyń stıpendıaty atansa, 7 qyzmetshi Qazaqstan Respýblıkasy Prezıdenti janyndaǵy Memlekettik basqarý akademııasyna oqýǵa qabyldandy», - dedi ákim.
Úsh mıllıonǵa jýyq adam shoǵyrlanǵan Ońtústik óńirinde memlekettik qyzmetshiler tarapynan halyqqa qyzmet kórsetýde qordalanǵan máseleler az emes ekenin aıtqan óńir basshysy oblystaǵy bir memlekettik qyzmetshige 650 – den astam qyzmet alýshy kúndelikti júginetinin jetkizdi.
О́z kezeginde О́ńirlik hab basqarýshy komıtetiniń tóraǵasy Á.Baımenov búgingi memorandým osy memlekettik qyzmetshilerdiń halyqqa kórsetetin qyzmetiniń sapasyn arttyrýǵa, Memleket Basshysynyń belgilegen maqsat jáne mindetterin oryndaýdaǵy jumystaryn jetildirýde yqpaly mol bolatynyn sendirdi. Iаǵnı, qol qoıylǵan memorandým transformasııa jáne kadrlyq áleýetti arttyrýda bizdiń óńirdiń memlekettik apparatynyń jumysyna oń septigin tıgizetin bolady.