Nazarbaev Ýnıversıtetiniń sporttyq kesheninde «Astana» basketbol klýbynyń quramy jańa maýsym aldynda resmı túrde tanystyryldy.
Klýbtyń basshylyǵy buryn birneshe jańa oıynshylarmen kelisimshart jasasqan bolatyn, sondaı-aq, qazaqstandyq sportshylardyń basym bóligimen birlestigin sozdy. Osylaısha, «Astananyń» namysyn 2017/2018 maýsymynda qazaqstandyq Rýstam Erǵalı, Rýstam Murzaǵalıev, Anton Ponomarev, Aleksandr Jıgýlın, Dmıtrıı Gavrılov, Maksım Marchýk, Denıs Degtıarev, Vadım Sherbak, Anatolıı Kolesnıkov, jáne legıonerler Djastın Karter, Larrı Gordon, Ike Ýdano, Hordýra Vılhalmsona, Entonı Klemmons jáne Leonıdas Kaselakıs sekildi sportshylar namysyn qorǵaıdy.
Klýbtyń jattyqtyrýshy shtaby da jańartyldy. «Astana» basketbolynyń basshylyǵy komandanyń jańa bas bapkeri etip grekııalyq Kostas Flevarakısti taǵaıyndady, al onyń tálimger jattyqtyrýshylary retinde Kostas Papazoglý, Kostas Masýras jáne Mıhaıl Karpenko tanystyryldy.
Is -sharada basketbol klýbynyń jańa oıyn formasy jáne atrıbýtıkasy kórsetildi. Budan bólek, «Astananyń» kásibı basketbolshylary óziniń balalar basketbol akademııasyndaǵy jastary úshin sheberlik synybyn ótkizdi.
«Astananyń» sportshylary úshin jańa basketbol maýsymy shyn máninde qyrkúıektiń ortasynda bastalǵanyn atap aıtý kerek. Komanda «Azıattyq Chempıondar Kýbogy-2017» iri kontınentaldy Qytaıdyń (Hýnan provınsııasy) Chenchjoý qalasynda 22-30 qyrkúıek aralyǵynda ótken basketbol chempıonatyna qatysty.
Qytaıdaǵy jarystyń qarsańynda komanda Lıtvada oqý-jattyǵý jıynyn júrgizdi. Sonyń barysynda sportshylar lıtvalyq komandalarmen alty joldastyq match ótkizdi.
«Bıyl basketbol komandasynda kóp jańartylýlar boldy. Sizder kórgendeı, biz birneshe shetel oıynshylaryn qatarymyzǵa qostyq. Bul klýbqa kóp shyǵyn keltirmedi. Biraq óziniń tıimdiligin ótken aptada aıaqtalǵan, Azıada Chempıony Kýbogynda kórsetti. «Astana» bas azıada chempıonatynda úshinshi oryn aldy. Qazir balalar jaqsy qarqynda bastady. Dál osylaı maýsym sońyna deıin ótkizedi dep kútemiz. Bizdiń sportshylarymyz taǵy da klýbtyń bıýdjetin qysqarǵanyna qaramastan, jaqsy sporttyq nátıjelerdi kórsetýge bolatyndyǵyn dáleldedi. «Astana» basketbolshylary – bul Qazaqstan ulttyq lıgasynyń chempıony, Qazaqstan Kýbogynyń bes márte ıegeri. Qazaqstandaǵy kásibı basketboldyń damýyn baqylaı otyryp, biz bolashaqta komandany kúsheıtý úshin kadrlyq sporttyq rezervti daıyndaýdyń qajet ekendigin túsinemiz. Biletinderińizdeı, osy jyldyń basynda balalar basketbol akademııasyn ashtyq. Qazir onda 200-deı balalar oqyp jatyr. Sabaqtary úshin Nazarbaev Ýnıversıtetiniń eki zaly jáne «Astana» Halyqaralyq mektebi jabdyqtalǵan. Ol jerde basketboldy kásibı oqytýdyń barlyq jaǵdaılary jasalǵan, – dedi «Astana» Prezıdenttik klýbynyń qamqorlyq keńesiniń Tóraǵasy, Senat depýtaty Darhan Kaletaev.